आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

दिव्य मराठी विशेष:अहमदपूर-अहमदनगर महामार्ग गेला खड्ड्यात‎

बीड‎एका महिन्यापूर्वी
  • कॉपी लिंक

बीड‎ अहमदपूर-अहमदनगर राष्ट्रीय‎ महामार्ग क्रमांक ५४८ डी चे काम‎ ४-५ वर्षांपासून रखडलेले असून,‎ निकृष्ट कामामुळे रस्त्यावर‎ मोठमोठाले खड्डे पडले आहेत.‎ अपघातामुळे मृत्यूमुखी पडणारांची‎ संख्या वाढली असून, याविषयी‎ वारंवार निवेदन तसेच आंदोलनानंतर‎ सुद्धा केवळ थातूरमातूर डागडुजी‎ करण्याचे काम पीएचपी कंपनीकडून‎ होत आहे. याबाबत केंद्रीय रस्ते मंत्री‎ नितीन गडकरी यांना निवेदन देत‎ गुत्तेदार कंपनीला काळ्या यादीत‎ टाकण्याची मागणी करण्यात आली‎ आहे.‎ बीड जिल्ह्यातील‎ अहमदपूर-अहमदनगर राष्ट्रीय‎ महामार्ग क्रमांक ५४८ डी याचे काम रखडलेलेच आहे. कालावधी पुर्ण होऊनही काम अद्याप अपुर्णच आहे. ‎एकूण १७० किलोमीटर लांबी‎ असलेल्या महामार्गाची अंदाजे‎ किंमत ८७९ कोटी रुपये इतकी आहे. ‎ ‎

पाटोदा तालुक्यातील चुंबळी ते बीड ‎तालुक्यातील मांजरसुंभा हे १६६ कोटी रुपयांचे काम हुले कन्स्ट्रक्शन तसेच ‎मांजरसुंभा ते पिंपळा ३९५ कोटी‎ रुपयांचे काम एचपीएम कंपनी व‎ पिंपळा ते अहमदपूर ३१८ कोटी‎ रूपयांचे काम सत्यसाईबाबा कंपनी‎ यांच्या मार्फत करण्यात येत आहे.‎ बीड तालुक्यातील नेकनुर ते‎ मांजरसुंभा दरम्यान गवारी फाट्यावर‎ निकृष्ट कामामुळेच भेगा पडलेल्या‎‎ तसेच खड्डे पडलेले आहेत.

बऱ्याच ‎दिवसापासून रखडलेले, जागोजागी‎ अर्धवट काम असुन अत्यंत निकृष्ट‎ दर्जाचे जागोजागी भेगा पडलेले, खड्डे‎ पडलेले आहेत. हे राष्ट्रीय महामार्ग‎ मृत्युचे सापळे बनलेले आहेतत.‎ ्यामुळेच अपघातांचे प्रमाण वाढलेले‎ आहे. त्यात अनेक लाेक मृत्युमुखी‎ पडत आहेत.हे काम तत्काळ पुर्ण‎ करण्यात यावे, अन्यथा त्यांच्यावर‎ दंडात्मक कारवाई करण्यात यावी‎ अशी मागणी सामाजिक कार्यकर्ते‎ तथा कार्याध्यक्ष भ्रष्टाचार निर्मूलन‎ समिती महाराष्ट्र राज्य डाॅ.गणेश‎ ढवळे यांनी केंद्रीय रस्ते वाहतूक मंत्री‎ नितीन गडकरी यांना केली आहे.‎

कारवाई करण्याची गरज‎ अहमदपूर ते अहमदनगर या राष्ट्रीय‎ महामार्गाचे काम निकृष्ट दर्जाचे‎ झाले आहे. वारंवार आंदोलने‎ करून, निवेदन देऊनही यंत्रणा सुस्त‎ आहे. रस्त्यावरील खड्ड्यांमुळे‎ अपघातांची संख्या वाढली आहे. या‎ प्रकरणात गुत्तेदार कंपनीला दंड‎ ठोठावून काळ्या यादीत टाकावे‎ - डॉ गणेश ढवळे‎अहमदपूर - अहमदनगर राष्ट्रीय महामार्गाची झालेली दुरवस्था.‎

बातम्या आणखी आहेत...