आपल्या शहरातील ताज्या बातम्या आणि ई-पेपर मिळवा मोफत

Install App

भाजप नेत्याची गांधीगिरी:बँक मॅनेजर शेतकर्‍यांना देत नव्हते कर्ज, भाजप नेता सुरेश धस यांनी कार्यालय गाठत मॅनेजरचे पाय धुवून फुले वाहिली

बीड19 दिवसांपूर्वी
  • कॉपी लिंक
  • स्टेट बँक ऑफ इंडियाचे व्यवस्थापक गरीब शेतकर्‍यांना कर्ज देत नसल्याचा सुरेश धस यांचा आरोप
  • शेतकर्‍यांच्या आरोपावर बँक व्यवस्थापकाने दिले असे स्पष्टीकरण

बीडमधून भाजप नेते सुरेश धस यांचा एक व्हिडिओ समोर आला असून, त्यामध्ये ते एका बँकेच्या व्यवस्थापकाला कर्ज देण्यासाठि विनंती करत त्यांचे पाय धुताना दिसत आहेत. स्टेट बँक ऑफ इंडियाचा हा व्यवस्थापक गरीब शेतकऱ्यांना कर्ज देत नसल्याचा आरोप धस यांनी केला आहे. यामुळे गांधीगिरी अवलंबत त्यांनी व्यवस्थापकाचे पाय धुतले आणि फुले वाहिली.

सुरेश धस म्हणाले की हा बँक व्यवस्थापक 'धना'चा देवता आहे. त्यांची कृपा होण्यासाठी मी त्यांचे पाय पाण्याने धुऊन त्यांच्यावर फुले वाहिली. आता ही कल्पना कितपत प्रभावी ठरेल ते पहावे लागेल. ते पुढे म्हणाले की, शेतकऱ्यांच्या कर्जाच्या फायली लवकरात लवकर पास कराव्यात जेणेकरून त्यांना वेळेत पैसे मिळावेत आणि शेतीची कामे त्यांना करता येतील. जर त्यांनी असे केले नाही तर ते आणि त्याचे समर्थक दररोज येतील आणि त्यांना फुले वाहतील.

शेतकऱ्यांच्या आरोपांवर बँक व्यवस्थापकाने दिले स्पष्टीकरण

शेतकऱ्यांचा आरोप आहे की त्यांना बँकेकडून मिळणाऱ्या कर्जास उशीर होत आहे, परंतु 1500 शेतकर्‍यांकडून आपल्याकडे अर्ज आल्याचे बँक व्यवस्थापकाचे म्हणणे आहे. सद्यःस्थितीत 400 शेतकर्‍यांच्या फाईल्स तपासणीनंतर पास केल्या आहेत. तर उर्वरित शेतकर्‍यांनाही लवकरच दिले जाईल, असे बँक व्यवस्थापकाने म्हटले आहे.

बीड जिल्ह्याचे प्रादेशिक राजकीय समीकरण

25 लाखाहून अधिक लोकसंख्या असलेल्या बीड जिल्ह्यात 80 टक्के लोक ग्रामीण भागात राहतात, ज्यांची उपजीविका शेतीवर अवलंबून आहे. बीड लोकसभा मतदारसंघात गेवराई, माजलगाव, आष्टी, केज, परळी आणि बीड अशी 6 विधानसभा जागा आहेत. या कारणास्तव, भाजप नेते सुरेश धस जनतेला दिलासा देण्यासाठी नवीन मार्ग शोधत आहेत.

0