नगरपंचायत निवडणूक:बीड जिल्ह्यातील पाच नगरपंचायतींच्या 20 जागांसाठी 268 अर्ज दाखल‎,  उमेदवारांसह कार्यकर्त्यांची गर्दी

बीड‎ नगरपंचायत निवडणुकीत‎ ओबीसी आरक्षण रद्द झाल्याने‎ ओबीसी राखीव जागांसाठीची‎ मतदान प्रक्रिया पुढे ढकलली गेली‎ होती. या जागांवर सर्वसाधारण‎ प्रवर्गातून निवडणूक घेण्याचा‎ निर्णय घेतला गेला होता.‎ यासाठी सोमवार हा अर्ज‎ भरण्याचा शेवटचा दिवस होता.‎ अखेरच्या दिवशी अर्ज‎ करण्यासाठी सर्वच पक्षांच्या‎ उमेदवारांनी आणि अपक्षांनीही‎ गर्दी केली होती.

जिल्ह्यात आष्टी,‎ पाटोदा, शिरूर, केज व वडवणी‎ ‎ या पाच नगरपंचायतींमधील २०‎ जागांसाठी २६८ जणांनी अर्ज केले‎ आहेत. आज मंगळवारी अर्जांची‎ छाननी प्रक्रिया आहे.‎ पाटोद्यात शेवटच्या दिवशी‎ गर्दी : पाटोद्यात एकूण ६४ अर्ज‎ दाखल झाले असून सोमवारी‎ शेवटच्या दिवशी ५७ जणांनी‎ आपला उमेदवारी अर्ज दाखल‎ केला. २९ डिसेंबर २०२१ पासून‎ या चार प्रभागांसाठी खुल्या‎ प्रवर्गातून अर्ज स्वीकारणे सुरू‎ झाले होते. खुल्या प्रवर्गातून‎ असल्यामुळे इच्छुकांची मोठी‎ गर्दी या वेळी पाहायला‎ मिळाली.‎

नगर पंचायतीत काँग्रेसच्या वतीने उमेदवारांचा अर्ज दाखल केला गेला.‎

शिरूर, आष्टीत ३९ अर्ज‎ शिरूर नगरपंचायतीचे चार प्रभाग व‎ आष्टी नगरपंचायतीच्या चार‎ प्रभागांसाठी प्रत्येकी ३९ अर्ज दाखल‎ ‎ झाले आहेत. दोन्ही तालुक्यातील‎ नगरपंचायतीत राष्ट्रवादी व भाजपने‎ जोर लावलेला असून या चारही‎ प्रभागांत अशाच प्रकारे सरळ लढत‎ होणार आहे.‎

वडवणीत ५६ अर्ज दाखल‎ वडवणीत ४ जागांसाठी ५६ जणांनी अर्ज दाखल केले. यामध्ये प्रभाग ४‎ साठी ८ अर्ज, प्रभाग ५ साठी १७ अर्ज, प्रभाग ६ साठी ९ अर्ज, तर प्रभाग १३‎ साठी २२ अर्ज दाखल करण्यात आले आहेत. राष्ट्रवादीकडून प्रभाग‎ क्रमांक ५ व १३, तर राष्ट्रवादी पुरस्कृत प्रभाग क्र ४ व ६ यामध्ये अर्ज दाखल‎ के ले. भाजपकडून प्रभाग क्र चारही ठिकाणी उमेदवार दिले.‎

केजमध्ये ७० अर्ज‎ केज येथील नगरपंचायतीच्या‎ ४ प्रभागासाठी ७० उमेदवारी‎ अर्ज दाखल झाले. प्रभाग क्र.‎ १ साठी १८, प्रभाग क्र. २ साठी‎ १३, प्रभाग क्र. ८ साठी १९, तर‎ प्रभाग क्र. १२ साठी २०‎ उमेदवारी अर्ज आले आहेत.‎ मंगळवारी छाननी व १०‎ जानेवारीपर्यंत उमेदवारी अर्ज‎ मागे घेण्याची अंतिम तारीख‎ आहे.‎