योगेश पर्व प्रीमियर लीग 2023:बीड पोलिस संघाने पटकावला क्रिकेट चषक‎

शहरातील छत्रपती शिवाजी महाराज‎ क्रीडांगणावर पार पडलेल्या योगेश पर्व‎ प्रीमियर लीग २०२३ स्पर्धेतील अंतिम‎ सामन्यात बाजी मारत बीड पोलीस संघाने‎ चषक पटकावला.‎ बीड येथील बिलाल भैया मित्र‎ मंडळाच्या वतीने आयोजित करण्यात‎ आलेल्या योगेश पर्व प्रीमियर लीग २०२३‎ स्पर्धेला बीडकरांनी मोठ्या प्रमाणात‎ प्रतिसाद दिला. या स्पर्धेची अंतिम लढत‎ बीड पोलीस आणि एडीएफसी संघात‎ झाली. एडीएफसी संघाने प्रथम फलंदाजी‎ करत १८.३ षटकात ११५ धावा काढल्या.‎ ११६ धावांचे माफक आव्हान बीड पोलीस‎ संघाने अवघ्या ८.५ षटकात एक ही गडी न‎ गमावता पूर्ण केले. बीड पोलीस संघाचे‎ सलामीवीर धर्मेश आणि ऋषिकेश या‎ जोडीने प्रत्येकी ५७ धावा काढल्या. १३‎ दिवस चाललेल्या या स्पर्धेत एकूण १०‎ संघांनी सहभाग नोंदवला.

यात बीड‎ पोलिस संघाने प्रथम तर एडीएफसी संघाने‎ द्वितीय पारितोषिक पटकावले. डॉ. योगेश‎‎‎‎‎‎‎‎‎‎‎‎‎‎‎‎‎‎ क्षीरसागर यांच्या हस्ते विजेत्या संघाला‎ दीड लाख रुपये व स्मृतिचिन्ह आणि‎ उपविजेत्या संघाला ७५ हजार रुपये रक्कम‎ व स्मृतिचिन्ह देण्यात आले. स्पर्धेचे प्रथम‎ पारितोषिक माजी नगरसेवक शुभम धूत‎ यांनी तर द्वितीय पारितोषिक मुश्ताक शेख‎ यांच्या वतीने देण्यात आले.

या स्पर्धेतील‎‎‎‎‎‎‎‎‎‎‎‎‎‎‎‎‎‎ अमोल ससाणे सामनावीर, समीर काटकर‎ मालिकावीर, समीर काटकर सर्वोत्कृष्ट‎ फलंदाज, इलियास पटेल सर्वोत्कृष्ट‎ गोलंदाज आणि ओमकार काळे सर्वोत्कृष्ट‎ यष्टीरक्षक ठरले तर स्पर्धेतील डीसीप्लिन‎ संघ म्हणून ए. एम. चॅलेंजरची निवड‎ करण्यात आली.‎