आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

​​​​​​​ग्रामपंचायत सार्वत्रिक निवडणूक:निवडणुकीपूर्वी सिरसाळ्यात‎ पोलिसांनी केले पथसंचलन‎

सिरसाळा‎एका महिन्यापूर्वी
  • कॉपी लिंक

ग्रामपंचायत सार्वत्रिक निवडणूक २०२२ च्या‎ अनुषंगाने पोलीस ठाणे सिरसाळ्याच्या वतीने‎ ग्रामस्थांची बैठक घेऊन आचार संहिता‎ पालनाच्या सूचना देण्यात आल्या. यासह‎ पथसंचलन करत कायदा व सुव्यवस्था अबाधित‎ राखण्याचे आवाहन करण्यात आले.‎ सिरसाळा पोलिस ठाण्याच्या वतीने निवडणुका‎ शांततेत पार पाडण्यासाठी प्रयत्न केले जात‎ आहेत. ठाण्याच्या अंतर्गत येणाऱ्या सिरसाळा,‎ कवडगाव, आमला, निमला, गाडे पिंपळगाव,‎ डिग्रज, बोधेगाव, पोळ पिंपरी, कावळेवाडी,‎ पोहनेर या ठिकाणी चोख बंदोबस्त लावण्यात‎ येणार असल्याची माहिती पोलिस प्रशासनाने‎ दिली.

यासह आदर्श आचार संहिता पाळण्याच्या‎ अनुषंगाने सिरसाळा येथे बैठक घेऊन मार्गदर्शन‎ करण्यात आले. जानेवारी २०२१ ते डिसेंबर २०२२‎ दरम्यान दाखल एकूण १४७ इसमावर १०७‎ सीआरपीसीप्रमाणे प्रतिबंधित कारवाई करण्यात‎ आलेली आहे. दारूबंदी तसेच जुगार प्रतिबंधक‎ कायदे अंतर्गत अवैध धंद्यावर पूर्णपणे अटकाव‎ केला गेला आहे. प्रभारी अधिकारी बीट अंमलदार‎ यांच्या वतीने हद्दीतील १०७ बुथ तसेच ४५ मतदान‎ केंद्रांना भेटी देण्यात आल्या. नाकाबंदीही‎ करण्यासह गस्ती घातल्या जात असल्याचे पोलिस‎ प्रशासनाने यावेळी सांगितले. यावेळी ग्रामस्थांची‎ मोठ्या संख्येने हजेरी होती.‎

बातम्या आणखी आहेत...