रक्तदान शिबिर‎:बंकटस्वामी महाविद्यालयात रक्तदान शिबिर‎

येथील श्री बंकटस्वामी महाविद्यालयातील राष्ट्रीय सेवा ‎योजना विभाग व बीड येथील एचडीएफसी बँक यांच्या ‎संयुक्त विद्यमाने आयोजित रक्तदान शिबिराचे‎ आयोजन करण्यात आले होते.‎ या शिबिराचे उद्घाटन महाविद्यालयाचे प्राचार्य डॉ‎ विवेक मिरगणे यांनी केले. यावेळी बोलताना डॉ.‎ मिरगणे म्हणाले, रुग्णांना रक्ताची गरज असली की‎ कुटुंबीय नातेवाईक सैरभैर होतात. थॅलेसेमिया‎ असलेले रुग्ण रक्ताचा तुटवडा निर्माण झाला की‎ त्यांच्या जीवन मरणाचा प्रश्न निर्माण होतो.

म्हणून‎ रक्तदान हे महान दान आहे. एचडीएफसी बँकेचे‎ अधिकारी दीपक भंडारे व महाविद्यालयाचे उपप्राचार्य‎ डॉ शिवाजी मोरे यांनी प्रथम रक्तदान करणाऱ्या‎ अश्विनी मुंडे या विद्यार्थिनीचे पुष्पगुच्छ देऊन स्वागत‎ केले या शिबिरामध्ये एकूण २१रक्तदात्यांनी रक्तदान‎ केले. शिबिर यशस्वी करण्यासाठी एचडीएफसी बँकेचे‎ प्रवीण कापले, अमोल राऊतमारे, सागर कोकिळ,‎ गणेश रोटे, संतोष गायकवाड, दिलीप औचरमल,‎ उत्तम राऊत यांच्या पथकाने काम केले. राष्ट्रीय सेवा‎ योजना कार्यक्रमाधिकारी डॉ अरुण दैतकार, डॉ‎ मनोजकुमार नवसे, डॉ प्रकाश कोंका, कनिष्ठ‎ विभागाचे राष्ट्रीय सेवा योजना कार्यक्रमाधिकारी प्रा‎ राजाभाऊ नागरगोजे यांनी हे शिबिर यशस्वी‎ करण्यासाठी परिश्रम घेतले.‎