विकासकाम:सटवाई मैदान, राजीवनगरमध्ये‎ सिमेंट रस्त्यांच्या कामांना प्रारंभ

शहरातील विविध भागात दलित वस्ती‎ सुधार योजने अंतर्गत, दलितेत्तर, आणि‎ विशेष रस्ता अनुदान अंतर्गत सिमेंट‎ रस्ते आणि नाल्यांची कामे सुरू आहेत.‎ शहरातील माळीवेस भागातील सटवाई‎ मैदान, धानोरा रोड भागातील राजीव‎ नगर येथे देखील सिमेंट रस्ते,‎ नाल्यांच्या कामांना सुरुवात झाली आहे.‎ बीड शहरात नगर पालिकेच्या‎ माध्यमातून व माजी मंत्री जयदत्त‎ क्षीरसागर यांनी शासन दरबारी केलेल्या‎ प्रयत्नातून मंजूर करून आणलेली‎ विकास कामे सुरू आहेत. त्यातीलच‎ माळीवेस भागातील सटवाई मैदान‎ आणि धानोरा रोड भागातील राजीव‎ नगर येथे रस्त्याचे सिमेंट काँक्रिटीकरण‎ व नाल्यांच्या कामांना सुरुवात झाली‎ आहे. या सुरू झालेल्या कामांच्या‎ ठिकाणी युवा नेते डॉ.योगेश क्षीरसागर‎ यांनी भेट देत पाहणी केली व कामाचा‎ आढावा घेतला. यावेळी त्यांनी‎ स्थानिकांंशी विविध विषयांवर संवाद‎ साधला.‎ डॉ. क्षीरसागर म्हणाले, विकास‎ कामांसाठी निधी उपलब्ध करण्यासाठी‎ पाठपुरावा करावा लागतो. त्यासाठी खूप‎ अडचणी येतात. मात्र तरीही शहर‎ वासियांना मूलभूत सुविधा मिळाव्यात‎ यासाठी मोठ्या प्रमाणात निधी‎ आणण्यासाठी प्रयत्न सतत सुरूच‎ असतात.

शहरवासीयांना मूलभूत‎ सुविधा देण्यासाठी आम्ही कायमच‎ प्रयत्नशील असतो. त्यासाठी‎ प्रामाणिकपणे काम करत असतो.‎ यावेळी धानोरा रोड परिसरात‎ असणाऱ्या राजीव नगर येथे भीमराव‎ वाघचौरे, विलास विधाते, भैय्या मोरे,‎ रणजित बनसोडे, इक्बाल शेख, मुखीद‎ लाला, डॉ.रमेश शिंदे, मनोज मस्के,‎ नितिन लोखंडे, विठ्ठल गुजर, शालिनी‎ परदेशी, अविनाश शिंगनाथ, बळीराम‎ वराट, प्रा.अमोल वाघमारे, डॉ.मधुकर‎ जाधवर, दिशांत मोराळे, काझी सईद,‎ हजू भाई, फारूक शेख, राफत शेख,‎ कैफ शेख, अकबर भाई, मोहसीन बेग,‎ सय्यद वजीद अली, शेख नाझीर, इम्रान‎ शेख, शेख अन्सर, लतीफ खान,‎ हिमायू कबीर, स्टीव्हेन रेड्डी, गिमी रेड्डी,‎ इम्रान तर माळीवेस भागातील सटवाई‎ मैदान येथे नितिन साखरे, कैलास‎ लगड, सनी आठवले, किरण बेदरे,‎ निखिल शिंदे, अमर विद्यागर, चंद्रकांत‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ वडमारे, लक्ष्मण गुंजाळ, अजय‎ जाधव, विजय जाधव, शाम साखरे,‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ धनंजय राऊत, सौरभ कांबळे उपस्थित‎ होते.‎

विरोधामुळे विकासकामांना अडथळा‎
डॉ. योगेश क्षीरसागर म्हणाले, मागील काही काळात विरोधकांनी विकास कामांना‎ केलेल्या विरोधामुळे विकासकामे मार्गी लागत नव्हती. मात्र, आता या कामांना गती‎ मिळाली असून दलीत वस्ती सुधार योजने अंतर्गत रस्त्यांची आणि नाल्यांची कामे‎ मोठ्या प्रमाणात सुरू आहेत. महिन्याभरात ही कामे पूर्ण होतील या भागातील उर्वरित‎ कामांसाठी पाठपुरावा करून ते देखील लवकरच मार्गी लावू व नागरिकांच्या अडचणी‎ दूर करू असे डॉ.योगेश क्षीरसागर यांनी याप्रसंगी सांगितले.‎