परिसराची स्वच्छता:आईच्या स्मरणार्थ स्मशानभूमीची स्वछता, सिमेंट बेंच भेट‎

आईच्या स्मरणार्थ आनंदगाव ( ता. केज )‎ येथे डॉ. हनुमंत सौदागर यांनी गावातील‎ स्मशानभूमीची स्वच्छता करून स्वखर्चाने‎ ट्रॅक्टरच्या मदतीने परिसर नीटनेटका करून‎ घेतला. शिवाय अंत्यसंस्कार करण्यासाठी‎ आलेल्या नागरिकांना बसण्यासाठी सिमेंट बँच‎ भेट दिला आहे. ग्रामस्थांच्या सहकार्यातून‎ स्मशानभूमीचे सुशोभीकरण करण्यात येणार‎ आहे. केज तालुक्यातील आनंदगाव येथील‎ सामाजिक कार्यकर्ते डॉ. हनुमंत सौदागर यांनी‎ त्यांच्या मातोश्री स्व. कमलबाई बिरुदेव‎ सौदागर यांच्या स्मरणार्थ गावातील सार्वजनिक‎ स्मशानभूमीच्या परिसराची स्वच्छता केली. तर‎ स्वखर्चातून ट्रॅक्टरच्या साहाय्याने परिसर ही‎ नीटनेटका करून घेतला. वाढलेल्या झाडांची‎ छाटणी करून झाडांना योग्य आकार दिला.

तर‎ या सामाजिक कार्यात गावातील तरुणांनी‎ श्रमदान करीत मदत केली. सार्वजनिक‎ स्मशानभूमीत अंत्यसंस्कार करण्यासाठी‎ आलेल्या जेष्ठ नागरिकांना बसण्यासाठी‎ सिमेंट बँच ( बाकडा ) बसवण्यात आला.‎ त्यांचा आदर्श घेत गावातील राऊत परिवाराने‎ स्व. पुतळाबाई राऊत व स्व. कालिंदाबाई‎ राऊत यांच्या स्मरणार्थ दोन सिमेंट बँच (‎ बाकडा ) भेट देण्यात आले. येणाऱ्या काळात‎ लोकसहभागातून स्मशानभूमीचे सुशोभीकरण‎ करीत रूप बदलण्याचा आणि शांतीधम‎ करण्यासाठी सहकार्य मिळत असल्याचे ही‎ डॉ. हनुमंत सौदागर यांनी सांगितले. तर अशा‎ प्रकारचा सामाजिक उपक्रम हाती घेतल्याबद्दल‎ ग्रामस्थांनी समाधान मानले.‎