दिव्य मराठी विशेष:मुलांना खेळातून आव्हान पेलण्याचे सामर्थ्य निर्माण होते‎

विद्यार्थ्यांसाठी खेळ हा शिक्षणाचाच एक‎ भाग असून खेळातून संघटन कौशल्य‎ विकसित होत असते तसेच खेळामुळे‎ मुलांमध्ये कुठलेही आव्हान पेलण्याचे‎ सामर्थ्य निर्माण होते. यात जय पराजयाला‎ सहजपणे सामोरे जाण्याचे कसब‎ प्रत्येकाला मिळते. त्यामुळे प्रत्येक‎ विद्यार्थ्याने आपल्या आवडीच्या खेळात‎ सहभाग घेतलाच पाहिजे, असे प्रतिपादन‎ सहायक पोलिस निरीक्षक योगेश खतकळ‎ यांनी केले.‎ माजलगांव येथील फ्लाइंग बर्डस‎ अकॅडमी या शाळेत २ ते ७ जानेवारी २०२३‎ दरम्यान क्रीडा सप्ताहाचे आयोजन‎ करण्यात आले आहे.

यात विद्यार्थ्यांसाठी‎ विविध क्रिडा स्पर्धांचे आयोजन करण्यात‎ आले आहे. या सप्ताहाचे उद‌्घाटन‎ खतकळ यांच्या हस्ते करण्यात आले.‎ कार्यक्रमाच्या अध्यक्षस्थानी‎ भाटवडगावचे सरपंच कुटे हे होते तर‎ प्रमुख अतिथी म्हणून बँक अधिकारी‎ गजानन चिद्रवार, आशिष शर्मा, सरवदे,‎ फ्लाइंग बर्डसचे स्टार स्टुडंट्स पालक‎ तसेच पोलीस कर्मचारी ईत्यादी उपस्थित‎ होते.

व्यासपीठावर अध्यक्ष पांडुरंग‎ चांडक, संचालक प्रभाकर शेटे, भगवान‎ लाटे, शेख अलीपटेल, प्राचार्या सारिका‎ बजाज, उपसरपंच शेख जमील, पोलीस‎ कर्मचारी तुकाराम ढोबळे, विलास इचके‎ इत्यादी उपस्थित होते. या कार्यक्रमाचे‎ सूत्रसंचालन शाळेतील छोट्या विद्यार्थिनी‎ अनुराधा बाहेती, वेदिका टोकलवाड यांनी‎ केले. कार्यक्रम यशस्वी करण्यासाठी‎ शाळेतील सहशिक्षक, सहशिक्षिका,‎ क्रिडा शिक्षक व कर्मचारी ईत्यादीनी विशेष‎ परिश्रम घेतले.‎

खेळामुळे माणूस‎ निरोगी, सदृढ‎ राहण्यास मदत‎ आजचे विद्यार्थी हे उद्याचे‎ भविष्य आहेत. त्यामुळे त्यांच्या‎ अंगात विविध कलाकौशल्ये‎ असणे आवश्यक आहे. क्रीडा‎ स्पर्धांतील सहभागामुळे‎ विद्यार्थी निपूण बनतो.‎ शरीरयष्टी बळकट होते व‎ निरोगी राहण्यासही मदत‎ मिळते, असे प्रतिपादन‎ भाटवडगावचे सरपंच कुटे‎ यांनी केले. याप्रसंगी गजानन‎ चिद्रवार, आशिष शर्मा यांनीही‎ सविस्तर मार्गदर्शन केले.‎