सेवाभाव:अन्नाची नासाडी रोखण्यासाठी‎ स्वच्छ ताट विशेष अभियान‎

अंबाजोगाई‎ येथील योगेश्वरी शिक्षण संस्थेच्या‎ वतीने नव्या वर्षाचा संकल्प म्हणून ‎अन्नाची नासाडी रोखण्यासाठी विशेष ‎ प्रयत्न केले जात असून यानिमित्ताने‎ स्वच्छ ताट अभियानाची सुरुवात‎ करण्यात आली आहे. समाजातील‎ गरजू, वंचित घटकांना अन्न मिळावे,‎ या दृष्टीने या अभियानाच्या माध्यमातून ‎ प्रयत्न करण्यात येत आहेत.‎ नव्याने सुरुवात करण्यात आलेल्या ‎ अभियाना बाबत संस्थेतल्या‎ वसतिगृहातील विद्यार्थ्यांना कल्पना‎ देण्यात आली.

अन्न, वस्त्र, निवारारा‎ या माणसाच्या मूलभूत गरजा आहेत.‎ देशभरात एकीकडे अन्ना अभावी‎ हजारो नागरिक उपाशी झोपत‎ असल्याचे चित्र आहे. दुसरीकडे मात्र‎ हॉटेल वसतिगृह, मंगल कार्याल‎ यांमधून भरमसाठ अन्न वाया‎ जाते.असा विरोधाभास दिसून येतो.‎ स्वच्छ ताट अभियानाची जनजागृती‎ केल्यास हजारो टन अन्न वाचवता येते.‎ त्यासाठी स्वच्छ ताट अभियान ही लोक‎ चळवळ व्हावी या उद्देशाने योगेश्वरी‎ शिक्षण संस्थेचे अध्यक्ष डॉ. सुरेश‎ खुरसाळे यांनी हे अभियान चालू करून‎ समाजासाठी आदर्श घालून दिला आहे.

अन्नाचा एक कण तयार होण्यासाठी‎ प्रामुख्याने १४५ दिवस लागतात.‎ त्यासाठी शेतकऱ्यांला कठोर मेहनत‎ घ्यावी लागते. म्हणजेच “महिने‎ लागतात पिकवायला आणि मिनिट‎ लागतो. अशी अवस्था देशभरात आहे. ‎त्यामुळे प्रत्येक व्यक्तीने आवश्यक‎ तेवढेच अन्न ताटात घ्यावे, असे‎ आवाहन केले. हेच अन्न गरजूला दिले‎ तर त्याची उपासमार होणार नाही.‎ म्हणून “तेवढेच घ्या ताटात जेवढे बसते ‎पोटात” या उक्तीप्रमाणे अन्नबचत केली‎ तर वाया जाणाऱ्या लाखो टन अन्नाची ‎ नासाडी थांबेल व अन्नाची बचत ‎होईल.अशी माहिती संस्थेचे अध्यक्ष‎ डॉ. सुरेश खुरसाळे यांनी दिली.‎ उपक्रमाची सुरुवात फलक लावून‎ करण्यात आली.

संस्था अध्यक्ष डॉ.‎ सुरेश खूरसाळे, कार्यकारी‎ कमलाकरराव चौसाळकर, उपक्रमाचे‎ समन्वयक प्रा. मेजर एस. पी. कुलकर्णी‎ उपस्थित होते. चौसाळकर यांनी‎ समाजातील गरजू घटकांसाठी प्रत्येकाने‎ पुढाकार घ्यायला पाहिजे, असे‎ सांगितले तर मेजर एस.पी.कुलकर्णी‎ यांनी समाजातील गरजू घटकांसाठी‎ प्रत्येकाने योग्य ती मदत करायला‎ पाहिजे, असे आवाहन केले. मानवता‎ म्हणून प्रत्येक व्यक्तीने यासाठी प्रयत्न‎ करावेत, असे आवाहन त्यांनी केले.‎