पोलीस ठाण्याचा‎ कायापालट:दिंद्रुड पोलिसांकडून स्वच्छता‎

पोलिस ठाणे व परिसरातील स्वच्छता मोहीम‎ हाती घेत अवघ्या चार दिवसांत अख्ख्या‎ पोलिस ठाण्यात पोलिसांनी साफसफाई केली‎ आहे.‎ माजलगाव तालुक्यातील दिंद्रुड पोलिसांनी‎ पोलिस ठाणे परिसर स्वच्छता मोहीम सप्ताह‎ राबवला. सपोनि. अण्णासाहेब खोडेवाड‎ यांच्या नेतृत्वाखाली ही मोहीम राबवण्यात‎ आली. आपण जेथे काम करतो, जेथे राहतो‎ तो परिसर स्वच्छ असावा.

या भावनेने पोलिस‎ ठाण्याचे सपोनि अण्णासाहेब खोडेवाड यांनी‎ आपल्या चाळीस कर्मचाऱ्यांसह गेल्या चार‎ दिवसांपासून पोलिस स्टेशनच्या आवारातील‎ काटेरी बाभळी, अवास्तव वाढलेली झाडे‎ झुडपे तोडत वृक्षारोपण करत येथील परिसर‎ स्वच्छ व सुंदर बनवला. रात्रीची गस्त घालून‎ जागरण झालेले पोलिस बांधव सकाळी सात‎ वाजता सफाईच्या कामावर हजर होतात.‎ कुदळ खोरे कुऱ्हाड झाडू हाती घेऊन‎ दिंद्रुडच्या पोलिस स्टेशन परिसरातील‎ केरकचरा उचलत आहेत. खोडेवाड यांच्या‎ या उपक्रमामुळे दिंद्रुडच्या पोलीस ठाण्याचा‎ कायापालट अवघ्या चार दिवसात झाल्याचे‎ पाहायला मिळत आहे.‎