नुकसान:विद्यार्थ्यांच्या पेपरवर उडाला‎ रंग, बोर्डाला दिली माहिती‎

छत्रपती संभाजीनगर येथील छावणी‎ परिसरातील लिटिल फ्लाॅवर‎ हायस्कूल परीक्षा केंद्रात ९‎ विद्यार्थ्यांच्या इंग्रजीच्या‎ उत्तरपत्रिकांवर रंगाचे शिंतोडे उडून‎ काही पाने खराब झाल्याचा प्रकार‎ सोमवारी घडला. यामुळे विद्यार्थ्यांचे‎ नुकसान होऊ नये म्हणून त्यांचे‎ क्रमांक बोर्डाला कळवणार आहोत,‎ अशी माहिती शिक्षण अधिकाऱ्यांनी‎ दिली. दहावीच्या लेखी परीक्षेस २‎ मार्चपासून सुरुवात झाली असून,‎ सोमवारी इंग्रजी भाषा विषयाचा ११ ते‎ २ या वेळेत पेपर होता. शहरातील‎ छावणी परिसरातील लिटिल फ्लाॅवर‎ हायस्कूल परीक्षा केंद्राच्या आवारात‎ काही जण होळीनिमित्त रंग खेळत‎ होते.

या वेळी एका तरुणाने रंगीत‎ पाण्याचे फुगे वर फेकले. त्यामुळे हे‎ फुगे परीक्षा केंद्राच्या दुसऱ्या‎ मजल्यावर जाऊन आदळल्याने‎ त्यातील रंगांचे शिंतोडे विद्यार्थ्यांच्या‎ पेपरवर उडून इंग्रजीची उत्तरपत्रिका‎ खराब झाली. बोर्डाच्या नियमानुसार‎ उत्तरपत्रिकेत खाडाखोड करणे,‎ खुणा करणे, नंबर लिहिणे आदी‎ गैरप्रकार मानले जातात. मात्र, यात‎ विद्यार्थ्यांची काही चूक नसल्यामुळे‎ शिक्षणाधिकाऱ्यांनी केंद्रास‎ विद्यार्थ्यांचे क्रमांक बोर्डाला कळवून‎ झालेल्या प्रकाराची माहिती मागवली.‎