तक्रार:फसवणूक करणाऱ्या‎ सहा मजुरांवर गुन्हा‎

विटभट्टीवर विटा तयार करण्यासाठी‎ आलेल्या मजुरांनी उचल घेत ८ दिवस‎ काम केले. त्यानंतर गावाकडे जाऊन‎ परत येतोत असे सांगून निघून गेलेले‎ मजूर परत आले नाहीत. फसवणूक‎ झाल्याची तक्रार मॅनेजरने दिल्यावरून‎ सहा मजुरांविरुद्ध गुन्हा दाखल झाला‎ आहे.‎ गिरीश अनिलराव बारगळ यांनी‎ याबाबत तक्रार दिली. त्यांच्या‎ तक्रारीनुसार, गिरीश हे त्यांचे काका‎ सुदर्शन सदाशिव काळे यांच्या‎ अंबाजोगाई शहरातील गोरख वीट‎ उद्योग येथे मॅनेजर पदावर काम‎ करतात. काळे यांनी वीट तयार‎ करण्यासाठी चिंचोली गावठाण‎ येथील मजूर अजय मधुकर शिंदे यांना‎ १ लाख ६० हजार रुपये, लक्ष्मण‎ आण्णासाहेब शेलार यांना १ लाख ७०‎ हजार रुपये, अप्पा राव मच्छिंद्र शेलार‎ यांना १ लाख ७० हजार रुपयांची‎ उचल करारावर करारनामा करून‎ साक्षीदारांच्या समक्ष दिली होती.‎