केव्हीकेचा स्टॉल‎ ‎ ‎:भगर, नाचणी, राजगिऱ्याच्या सुधारित वाणांना मागणी‎

गेवराई तालुक्यातील खामगाव येथील कृषी‎ विज्ञान केंद्राने सिल्लोड येथील राज्यस्तरीय‎ कृषी प्रदर्शनात तृणधान्य जनजागृती स्टॉल‎ लावला होता. राला, भगर, नाचणी,‎ राजगिरा, वरी, मकरा इत्यादी लहान‎ तृणधान्य बियाण्यांची माहिती घेण्यासाठी‎ शेतकऱ्यांनी मोठीहजेरी लावली. पाचही‎ दिवस या स्टॉलवर मोठ्या प्रमाणावर गर्दी‎ दिसून आली.‎ सिल्लोड येथील राज्यस्तरीय कृषी‎ प्रदर्शनात वसंतराव नाईक मराठवाडा कृषी‎ विद्यापीठ परभणी अंतर्गत कृषी विज्ञान केंद्र‎ खामगावने तृणधान्य विषयी जनजागृती‎ केली. या प्रदर्शनामध्ये कृषी विज्ञान केंद्र‎ खामगावचे स्टॉलला प्रचंड गर्दी होती.‎

आंतरराष्ट्रीय तृणधान्ये वर्ष २०२३ निमित्त‎ कृषी विज्ञान केंद्र खामगाव यांनी विशेष‎ लक्ष देऊन कृषी विज्ञान केंद्राचे प्रक्षेत्रावर‎ खरीप हंगामामध्ये इंडियन इन्स्टिट्यूट ऑफ‎ मिलेट रिसर्च हैदराबाद इथून विकसित‎ केलेल्या विविध तृणधान्यांचे उत्कृष्ट वाण‎ घेऊन प्राथमिक स्वरूपात लागवड केले‎ होते. लागवड केलेली राला, भगर, नाचणी‎ राजगिरा, वरी, मकरा इत्यादी लहान‎ तृणधान्य बियाणे आकर्षण ठरले. तसेच‎ तृणधान्य मूलवर्धन करून विविध पदार्थ‎ सुद्धा करण्याबाबत महिला शेतकरी,‎ उद्योजिकांनी माहिती घेतली. या‎ प्रदर्शनामध्ये बोरवेल रिचार्ज, कुपनलिका‎ सॉईल कन्सर्वेशन, अझोला,‎ हायड्रोपोनिक्स, नैसर्गिक शेती करिता‎ निविष्ठात निंबोळी अर्क, दशपर्णी, रेशीम‎ उद्योगाची माहिती भित्तीपत्रकांद्वारे देऊन‎ शेतकरी, विद्यार्थी व महिलांना मार्गदर्शन‎ करण्यात आले.‎