आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

कळंब-अंबाजोगाई रस्त्यावरील पैठणचा पूल धोकादायक‎:पुराने वाहून गेलेल्या पुलाचे काम करण्याची ग्रामस्थांची मागणी

केज‎17 दिवसांपूर्वी
  • कॉपी लिंक

गतवर्षी झालेल्या अतिवृष्टीत उंदरी‎ नदीला आलेल्या पुरात कळंब -‎ अंबाजोगाई रस्त्यावरील पैठण (‎ सावळेश्वर ) येथील पुलाचे कठडे‎ व काही भाग वाहून गेल्याने हा पूल‎ वाहतुकीसाठी धोकादायक बनला‎ आहे. या पुलाचे काम करणे अपेक्षित‎ होते. मात्र बांधकाम विभागाने‎ गांभीर्याने न घेतल्याने आता‎ पावसाळ्यात धोका वाढला आहे.‎ कळंब - अंबाजोगाई हा रस्ता‎ मोठ्या रहदारीचा रस्ता असून जड‎ वाहनांची वाहतूक मोठ्या प्रमाणावर‎ आहे.

मात्र गतवर्षीच्या अतिवृष्टीत‎ या रस्त्यावरील पैठण (सावळेश्वर)‎ येथील पुलाचे कठडे आणि काही‎ अवशेष ही वाहून गेल्याने हा पूल‎ वाहतुकीसाठी धोकादायक बनला‎ आहे. तर नदीकाठच्या अनेक घरात‎ पाणी घुसून संसार उपयोगी साहित्य,‎ जनावरे वाहून गेली होती. अनेकांच्या‎ घरांचे मोठे नुकसान झाले होते.‎ यावेळी या पूरग्रस्त भागाला‎ जलसंपदा मंत्री जयंत पाटील,‎ पालकमंत्री धनंजय मुंडे, खा. रजनी‎ पाटील, आ. नमिता मुंदडा,‎ तत्कालीन आ. विनायक मेटे,‎ तत्कालीन जि. प. उपाध्यक्ष बजरंग‎ सोनवणे यांनी भेटी देऊन पूरग्रस्तांना‎ मदतीचे व पुलाचे काम तत्काळ करू‎ असा शब्द दिला होता. तहसीलदार‎ दुलाजी मेंडके यांनीही सार्वजनिक‎ बांधकाम विभागाच्या अभियंत्यांना‎ लेखी टिप्पणी कळविल्या होत्या.‎

कळंब - अंबाजोगाई रस्त्यावरील धोकादायक पैठणचा पूल ‎.‎
चिंचोली - नांदूरघाट पुलाकडे दुर्लक्ष‎ अतिवृष्टीच्या काळात चिंचोली फाटा ते नांदूरघाट‎ रस्त्यावरील दोन पूल वाहून गेले होते. कमी उंचीच्या‎ पुलांमुळे पावसाळ्यात पुरामुळे वाहतूक ठप्प राहत‎ असल्याने अनेक गावांचा संपर्क तुटला होता. वाहून‎ गेलेल्या पुलांचे काम करून घेण्यासह रस्त्यावर‎ पडलेले खड्डे भरून दुरुस्तीची काम करणे अपेक्षित‎ होते. मात्र याकडे दुर्लक्ष केल्याचे दिसून येत आहे.‎लोकप्रतिनिधी भेटण्यासाठी आले, फोटो काढून परत‎ गेले. त्यांनी दिलेल्या शब्दांमुळे अपेक्षा होती. मात्र‎ पूरग्रस्तांना मदत मिळाली नाही. मदत व या पुलाचे‎ काम पूर्ण करून दिलेला शब्द पाळावा.‎ - जयश्री चौधरी, सरपंच, पैठण ता. केज

बातम्या आणखी आहेत...