दिव्य मराठी विशेष:नव्या वर्षात आठ पोलिस ठाण्यांना मिळणार इमारती!‎

नव्या वर्षाच्या सुरुवातीलाच पाेलिस‎ दलासाठी सकारात्मक बातमी असून‎ जिल्ह्यातील आठ पोलिस ठाण्यांना‎ नव्या वर्षात चांगल्या इमारती मिळू‎ शकणार आहेत. यासाठी प्रस्ताव‎ शासन दरबारी पाठवलेली असून तो‎ मंजूरही झाला आहे. किरकोळ‎ त्रुटींच्या पूर्ततेनंतर या कामासाठी‎ निधी उपलब्ध होऊ शकतो त्यासाठी‎ पाठपुरावा सुरु केला असल्याची‎ माहिती पोलिस अधीक्षक नंदकुमार‎ ठाकूर यांनी दिली आहे.‎

जिल्ह्यात एकूण २८ पोलिस ठाणे‎ असून अनेक पोलिस ठाण्यांना‎ स्वत:च्या चांगल्या इमारती नाहीत.‎ यापूर्वी मिळालेल्या जागेवर‎ अडचणीतच पोलिस ठाण्यांना‎ कारभार चालवावा लागत आहे तर,‎ काही पोलिस ठाण्यांच्या इमारती‎ जिर्ण झाल्याने त्या कोसळण्याचा‎ धोका आहे. या इमारती‎ पावसाळ्यात गळत असल्याने‎ अनेकदा दस्तावेजही भिजण्याचा‎ धोका असतो शिवाय, पावसाळ्यात‎ इमारतीचा काही भाग कोसळतो की‎ काय अशी स्थिती असते. त्यामुळे‎ सामान्यांच्या रक्षणाची जबाबदारी‎ असलेले पोलिस कर्मचारी पोलिस‎ ठाण्यातच असुरक्षित वातावरणात‎ काम करत असतात.‎

जिल्ह्यातील आवश्यकता‎ असलेल्या पोलिस ठाण्यांना नवी‎ इमारत मिळावी यासाठी अनेक‎ दिवसांपासून प्रयत्न सुरु होते.‎ तत्कालीन पोलिस अधीक्षक जी.‎ श्रीधर यांनी यासाठी काही पोलिस‎ ठाण्यांच्या इमारतीचा प्रस्ताव‎ शासनाकडे पाठवलेला होता. मात्र,‎ त्यानंतर श्रीधर यांची बदली झाली‎ आणि हर्ष पोद्दार हे अधीक्षक म्हणून‎ आले. मात्र, माच २०२० मध्ये‎ कोविड आला दाेन वर्षे कोविडच्या‎ काळात निधी मिळाला नव्हता‎ दरम्यानच्या काळात पोद्दार यांची‎ बदली होऊन आर. राजा यांनीही‎ वर्षभर पदभार सांभाळला मात्र‎ त्यांनाही पोलिस ठाण्यांच्या‎ इमारतींचे काम पुढे नेता आले‎ नव्हते.‎

हाऊसिंगकडून काम‎ जिल्ह्यात आठ पोलिस ठाण्यांना‎ नव्या इमारतीची आवश्यकता आहे.‎ त्याचे प्रस्ताव शासन दरबारी मंजूर‎ आहेत. निधी व काम हे पोलिस‎ हाऊसिंग विभागाकडून केले जाते.‎ यासाठी पाठपुरावा सुरु असून नव्या‎ वर्षात हे काम करण्याचा संकल्प‎ आहे.‎ - नंदकुुमार ठाकूर, पोलिस अधीक्षक,‎

बीड शहरातील शिवाजीनगर, बीड‎ ग्रामीण, बीड तालुक्यातील‎ पिंपळनेर, नेकनूर, परळी‎ तालुक्यातील संभाजीनगर,‎ सिरसाळा, शिरुर, पाटोदा या आठ‎ पोलिस ठाण्यांच्या इमारतींच्या मंजूर‎ असलेल्या कामांना गती देण्यासाठी‎ पाठपुरावा सुरु केला आहे. ज्या‎ प्रस्तावांत किरकोळ स्वरुपाच्या‎ तांत्रिक त्रुटी आढळलेल्या आहेत‎ त्या पूर्ण करण्याचे काम सध्या सुरु‎ आहे. सातबारावर नाव लावणे,‎ जमीनीशी संबंधित त्रुटींबाबत‎ जिल्हाधिकारी कार्यालयाशी‎ पत्रव्यवहार केला गेला आहे.‎