असुविधा‎:नगरपंचायत स्थापनेच्या दशकानंतरही‎ विस्तारित भाग सुविधांपासून उपेक्षित‎

केज शहरातील लोकसंख्या वाढल्याने ‎शहराचा विस्तार ही झपाट्याने झाला ‎आहे. नगरपंचायतीच्या स्थापनेनंतर ‎ विस्तारीत भागातील नागरिकांच्या‎ अपेक्षा वाढल्या. मात्र, अपुऱ्या‎ निधीमुळे ग्रामपंचायतीला‎ विस्तारलेल्या भागापर्यंत मूलभूत‎ सुविधा नेता आल्या नाहीत. दोन ‎पंचवार्षिकच्या पदाधिकाऱ्याचा ‎ कार्यकाळ पूर्ण होऊन तिसऱ्या पंचवार्षिकचे पदाधिकारी पदावर‎ विराजमान आहेत. तरी शहराच्या‎ विस्तारित भागात नळ योजना, रस्ते,‎ नाल्यांचा प्रश्न सुटलेला नाही.‎

केज शहराची लोकसंख्या ही ३०‎ हजाराहून अधिक आहे. तर शहराचा‎ विस्तार बीड, धारूर, कळंब आणि‎ अंबाजोगाई रस्त्यालगत वाढत‎ चालला आहे. लोकसंख्येची वाढ‎ आणि विस्तार झालेल्या भागापर्यंत‎ अपुऱ्या निधीमुळे विकासाची कामे‎ ग्रामपंचायतीला मार्गी लावता येत‎ नव्हती. त्यात आमदार फंडातून‎ अनेक भागातील रस्ते, नाल्यांचा प्रश्न‎ सोडविण्याचा प्रयत्न ग्रामपंचायतीने‎ केला होता. मात्र नळ योजना‎ विस्तारीत झाली नव्हती. शहराच्या‎ विकासाच्या दृष्टीने ग्रामपंचायतीला‎‎ नगरपंचायतीचा दर्जा मिळावा अशी‎ मागणी वाढली. त्यानंतर सन २०१०‎ मध्ये शहरात नगरपंचायत अस्तित्वात‎ आली.

नगरपंचायतीच्या स्थापनेनंतर‎ विकासाला गती मिळेल अशी अपेक्षा‎ व्यक्त होत गेली. विस्तारलेल्या‎ भागातील नागरिकांना मूलभूत सुविधा‎ पुरविल्या जातील अशी आस‎ लागली. नगरपंचायतीच्या निवडणुका‎ होऊन पदाधिकारी विराजमान झाले.‎ सुरुवातीची पाच वर्षे रस्ते, नाल्यांच्या‎ कामांवर खर्च झाला. मात्र कालबाह्य‎ झालेली पाईप लाईन बदलून घेतली‎ नाही. तर विस्तारलेल्या भागापर्यंत‎ धनेगाव धरणाची नळ योजना गेली‎ नाही. अनेक भागातील नागरिक हे‎ बोअरवर आपली तहान भागवित‎ असताना निवडणुकीच्या प्रचारात या‎ मुद्द्यांना हात घालत पोळी भाजून‎ घेण्यात आली.

निवडणुकीनंतर या‎ प्रश्नांना बगल दिली गेल्याने‎ विस्तारलेला भाग उपेक्षित राहिला.‎ दुसऱ्या पंचवार्षिक निवडणुकीनंतर‎ शहरातील प्रमुख प्रभागावर सत्ताधारी‎ आणि विरोधी गटाची मेहरबानी‎ राहिल्याने रस्ते, नाल्यांचे प्रश्न सुटले.‎ मात्र विस्तारलेल्या भागाची पुन्हा‎ निराशा झाली. नळ योजना आली‎ नाही, तर रस्ते, नाल्यांचे प्रश्न सुटले‎ नाहीत. आता तिसऱ्या पंचवार्षिकची‎ निवडणूक होऊन सत्तेवर विराजमान‎ झालेल्या पदाधिकाऱ्यांचा सहा‎ महिन्यांचा कालावधी लोटला आहे.‎ मात्र आणखी विकास कामांना गती‎ मिळालेली नाही.

त्यामुळे येणाऱ्या‎ काळात तरी विस्तारलेल्या भागापर्यंत‎ मांजरा धरणाचे पाणी पाईप लाईनद्वारे‎ जाणार का ? असा प्रश्न सध्या तरी‎ अनुउत्तरीत असून नळ योजना, रस्ते,‎ नाल्यांसह मूलभूत सुविधांची‎ येण्यासाठी आणखी प्रतीक्षा करावी‎ लागणार आहे.‎ केज शहरात मंजुरी मिळालेले‎ सांस्कृतिक सभागृह आणखी उभे‎ राहिलेले नसून क्रीडा संकुलचा प्रश्न‎ सुटलेला नाही. शहरात बगीचा अथवा‎ इतर मनोरंजनाची साधने उपलब्ध‎ झालेली नाहीत. सार्वजनिक ठिकाणी‎ मुतारी, शौचालय नसल्याने शहरातून‎ वावरताना महिलांची कुचंबणा होते.‎ यासह इतर विकासाची कामे मार्गी‎ लावण्यासाठी प्रयत्न होणे आवश्यक‎ आहे. त्यासाठी नूतन पदाधिकाऱ्यांनी‎ पुढाकार घेणे गरजेचे आहे.‎

व्यापारी संकुलाचा प्रश्न प्रलंबित‎ केज शहरात व्यापारी संकुल नसल्याने मुख्य रस्त्याच्या‎ बाजूने अतिक्रमण करून छोटे व्यावसायिक व्यवसाय‎ करीत आहेत. त्यात अतिक्रमणाच्या जागेवर भाडे‎ वसुलीचा गोरख धंदा मोठ्या प्रमाणावर सुरू आहे. तर‎ व्यापारी हजारो रुपयांचा किराया देऊन व्यापार करीत‎ आहेत. त्यामुळे व्यापारी बांधवांतून व्यापारी संकुल‎ उभारणीची मागणी कायम आहे. त्यासाठी सत्ताधारी‎ गटाने प्रयत्न करीत जागा, निधीसाठी पराकाष्ठा केली.‎ मात्र आणखी हा प्रश्न प्रलंबित आहे.‎