प्रकृती गंभीर‎:आठ दिवसांपासून प्रकल्पग्रस्तांचे‎ उपोषण; तिघांची प्रकृती गंभीर‎

आठ दिवसांपासून औष्णिक वीज‎ निर्मिती कंपनीला जमीन दिलेले‎ प्रकल्पग्रस्त आमरण उपोषणाला‎ बसले आहेत. त्यापैकी तिघांची‎ प्रकृती गंभीर झाली आहे. वीज‎ निर्मिती कंपनी आणि प्रशासनाने‎ झोपेचे सोंग घेतल्याने प्रशासनाच्या‎ अस्तित्वावरच प्रश्नचिन्ह निर्माण‎ झाले असल्याचा आरोप करून‎ प्रकल्पग्रस्तांच्या रास्त मागण्यांसाठी‎ आता निर्णायक लढा लढविणार‎ असुन याच्या परिणामांची सर्वस्वी‎ जबाबदारी प्रशासनाची राहील असा‎ इशारा महाराष्ट्र राज्य औष्णिक‎ विद्युत केंद्र प्रकल्पग्रस्त कृती‎ समितीचे अध्यक्ष सुधीर फड यांनी‎ दिला आहे.‎

आम्ही जमिनी दिल्या तेंव्हा‎ आम्हाला भरभरून आश्वासनं‎ दिली पण आता आमची वाईट‎ आवस्था केलीय. आठ दिवस झाले‎ आम्ही आमच्या रास्त मागण्यांसाठी‎ उपोषणाला बसलो आहोत पण‎ सरकार आणि वीज निर्मिती कंपनी‎ झोपेचे सोंग घेऊन बसली आहे‎ अशी संतप्त प्रतिक्रिया व्यक्त करीत‎ झोपेतून उठवण्यासाठी आता‎ आक्रमक लढा लढावा लागेल काय‎ असा सवाल प्रकल्पग्रस्तांनी केला‎ आहे.

प्रकल्पग्रस्तांना कायम सेवेत‎ सामावून घ्यावे, ४५ वर्षे पूर्ण‎ झालेल्या प्रकल्पग्रस्तांचा निर्वाह‎ भत्ता ३० हजार रुपये करावा, चंद्रपूर‎ पाॅवर स्टेशन येथे प्रकल्पग्रस्तांचे‎ दाखल करण्यात आलेले गुन्हे‎ त्वरीत मागे घ्यावेत या मागण्यांसाठी‎ हे आमरण उपोषण असुन आहे.‎ औष्णिक वीज निर्मिती केंद्राच्या‎ मुख्य कार्यालयासमोर २४‎ डिसेंबरपासून प्रकल्पग्रस्त आमरण‎ उपोषणाला बसले आहेत आठ‎ दिवस उलटून गेले आहेत आणि‎ उपोणार्थींपैकी तिघांची प्रकृती गंभीर‎ झाली असुन त्यांना उपचारासाठी‎ शासकीय रुग्णालयात दाखल‎ करण्यात आले आहे. असे असले‎ तरी तहसीलदार, उपजिल्हाधिकारी‎ किंवा विज निर्मिती कंपनीचे वरिष्ठ‎ अधिकारी यापैकी कुणीही‎ उपोषणार्थीची भेट घेतली नाही.‎ न्यायासाठी एखाद्याचा बळी हवा‎ आहे की काय असा सवाल करुन‎ दोन दिवसात मागण्या मार्गी लागल्या‎ नाहीत तर आंदोलन आणखी तीव्र‎ करण्यात येणार असल्याचे अध्यक्ष‎ सुधीर फड यांनी सांगितले.‎