व्हायरल‎:रोहयो मंजूर फाइल नाेंदवण्यासाठी‎ पैसे; लिपिकाचा व्हिडिओ व्हायरल‎

गेवराई तालुक्यात सध्या रोजगार‎ हमी योजनेच्या कामाची खिरापत‎ सुरु आहे. यासाठी‎ कर्मचाऱ्यांकडून मोठ्या प्रमाणावर‎ अपहार होत असल्याचे समोर‎ आल्याने एकच खळबळ उडाली‎ आहे. विविध विकास कामाची‎ फाईल पुढे सरकावयाची असेल‎ तर हजार रुपये मोजावे लागतात.‎ पैसे घेऊन रांगेत उभे असलेला‎ गेवराईच्या पंचायत समिती मधील‎ एक व्हिडिओ व्हायरल झाल्याने‎ जिल्हा प्रशासनाचे लक्तरे वेशीला‎ टांगले आहेत.

या प्रकरणी‎ वरीष्ठांनी चौकशीचे आदेश दिले‎ आहेत.‎ गेवराई तालुक्यातील रोजगार‎ हमी योजनेच्या कामात मोठा‎ गैरव्यवहार होत असल्याचे‎ वारंवार समोर येत आहे. मागील‎ महिन्तच दोन वर्षापूर्वी मयत‎ झालेल्या दोन व्यक्ती रेवकी‎ देवकी येथील एका कामावर‎ हजेरी लावत असल्याचा प्रकार‎ समोर आला होता. याप्रकरणाची‎ अद्याप चौकशी सुरू असतानाच‎ शनिवारी पंचायत समितीतील‎ एका व्हायरल व्हिडीओने पुन्हा‎ एकदा खळबळ उडवून दिली‎ असून तालुक्यात रोजगार हमीच्या‎ कामात अफरातफर होत‎ असल्याचे स्पष्ट केले आहे.‎

येथील रोजगार हमी विभागाचे‎ लिपीत आर.पी.देशमुख हे विविध‎ विकास कामाची फाईल पुढे‎ सरकावयाची असेल तर प्रत्येकी १‎ हजार रुपयाची मागणी करत‎ असल्याचे दिसून येते. पंचायत‎ समितीच्या कार्यालयात कामांच्या‎ मंजुरीसाठी ज्या विभागातून काम‎‎‎‎‎‎‎‎‎‎‎‎‎‎ चालतं त्या ठिकाणचा हा‎ व्हिडिओ आहे. यामध्ये पैसे घेऊन‎ रांगेत उभे असलेल्या या‎ व्हिडीओत फाइल घेऊन आलेले‎ लोक आणि या विभागाचे लिपिक‎ आर.पी.देशमुख हे लिपिक‎ कर्मचारी पैशाची मागणी करत‎ असल्याचे दिसून येत आहे.‎ अहवाल देण्याच्या‎ बिडीओंना सूचना‎ व्हिडीओ व्हायरल झाल्यानंतर‎ रोहयोचे बीडीओ सचिन सानप यांना‎ याबाबत विचारणा केली असता,‎ त्यांनी या प्रकरणाची गंभीर दखल‎ घेतली असल्याचे सांगितले असून‎ याबाबत गेवराईच्या गटविकास‎ अधिकारी कांबळे यांना चौकशी‎ करुन अहवाल सादर करण्याच्या‎ सूचना सानप यांनी दिली आहे.‎