बीड शहरात दुर्घटना:शोरूमसह गोडाऊनला भीषण आग; दोनशे‎ दुचाकी जळाल्या, इन्व्हर्टर बॅटऱ्यांचा स्फोट‎

बीड‎ शहरातील नगर राेड भागातील एका दुचाकी‎ शोरूमसह गोडाऊनला रविवारी (दि. २७)‎ सायंकाळी साडेचार वाजेच्या सुमारास अचानक‎ आग लागली. दरम्यान, २ इन्व्हर्टर बॅटऱ्यांचा स्फोट‎ झाला. वेळीच अग्निशमन विभागाच्या तीन बंबांद्वारे‎ जवानांनी आगीवर नियंत्रण मिळवण्यासाठी‎ सायंकाळी साडेसहा वाजेपर्यंत प्रयत्न केले. या‎ भीषण आगीत वित्तहानी माेठ्या प्रमाणावर झाली ‎.‎ रविवारची सुटी असल्याने जीवितहानी टळली. या‎ आगीत दोनशे दुचाकी जळाल्याची माहिती शोरूम‎ मालक प्रदीप चितलांगे यांनी दिली.‎ बीड शहरातील नगर राेड येथे प्रदीप चितलांगे यांचे‎ दुचाकीचे शाेरूम आहे. या ठिकाणी आॅफिस,‎ दुचाकी, ग्राहकांसाठी बैठक व्यवस्था असलेल्या‎ शाेरूमला लागूनच सर्व्हिसिंग सेंटर आणि मागील‎ बाजूस सहाशे पेक्षा अधिक दुचाकी उभ्या करता‎ येईल असे माेठे दुचाकी गाेडाऊन आहे. रविवारी‎ सुटी हाेती. सायंकाळी चाडेचारच्या सुमारास‎ गाेडऊन भिंतीच्या बाहेरील लाइट बाेर्डमध्ये‎ शाॅर्टसर्किट हाेऊन माेठी आग लागली. त्याच क्षणी‎ गाेडाऊनजवळील व शाेरूममधील इन्व्हर्टर बॅटरींचा‎ स्फोट झाला. त्यामुळे गाेडाऊन आणि शाेरूम अशा‎ दाेन्ही ठिकाणी भीषण आग लागली.

सुरक्षा रक्षकाने‎ याची माहिती मालक चितलांगेंना माेबाइलवर‎ कळवली असता चितलांगेंनी अग्निशमन विभागास‎ माहिती देऊन पाचारण केले. कर्मचाऱ्यांनाही‎ बाेलावून घेतले. वेळीच अग्निशमन विभागाचे तीन‎ बंब घटनास्थळी दाखल झाले. सायंकाळी साडेसहा‎ वाजेपर्यंत आगीवर नियंत्रणासाठी प्रयत्न केले. या‎ आगीमुळे ६०० पेक्षा अधिक क्षमतेचे गाेडाऊनमधील‎ दुचाकींचे नुकसान झाले. न. प. अग्निशमन‎ विभागाचे बी. ए. धायतडक, व्ही. एम. कानतोडे,‎ आर. वाय. आदमाने, एस. डी. बहीर, जी. व्ही.‎ ढोकणे, बी. सी. साबळे, एल. एस. टेकाळे, पठाण‎ ताजोद्दीन आदींनी आग आटोक्यात आणली.‎

अंधार असल्याने दुसऱ्या दिवशी पंचनामा‎
शाेरूमला आग लागल्याची नाेंद ठाण्यात रात्री केली.‎ दुचाकीसह इतर नुकसानीची अंदाजीत रक्कम दाेन काेटी‎ असल्याचे नमूद आहे. रविवारी रात्री पंचनामा करणे‎ शक्य नाही. साेमवारी पंचनामा केला जाईल.‎ - बी. बी. दराडे, पाेलिस उपनिरीक्षक, शिवाजीनगर ठाणे.‎

आकस्मात जळीतची पाेलिसांत नाेंद‎
या आगीत गाेडाऊनमधील दुचाकी, शाेरूमधील संगणक,‎ पंखे, फनिर्चर, कागदपत्रांच्या राेकार्डसह इतर नुकसान‎ झाले. जवळपास दीड ते दाेन काेटी रुपयांचे नुकसान‎ झाल्याची माहिती प्रदीप चितलांगे यांनी दिली. त्यानुसार‎ शिवाजीनगर पाेलिसांनी आकस्मात जळीतची नाेंद केली‎ आहे. तपास पाेलिस उपनिरीक्षक बी. बी. दराडे करत आहेत.‎

या आगीत दोनशे दुचाकी जळ‎ाल्या‎
शाेरूम, सर्व्हिसिंग सेंटर व गाेडाऊन अशा प्रकारे एजन्सीज‌ आहेत.‎ सहशे दुचाकी उभ्या करता येतील, असे गाेडाऊन आहे. या आगीमुळे‎ शाेरूम, सर्व्हिसिंग सेंटर व गाेडाऊन जाणे शक्य नाही. शाॅर्टसर्किटमुळे‎ लागलेल्या भीषण आगीत सरासरी दाेनशे दुचाकींचे नुकसान झाले. हे‎ काेट्यवधी रुपयांचे नुकसान असेल, असा प्राथमिक अंदाज आहे.‎ - प्रदीप चितलांगे , मालक, दीप एजन्सीज‌, बीड.‎

पहिला काॅल गोडाऊनला आग‎ लागल्याचा आला अ्न बंब पाठवले‎
बीड शहरातील येथील दुचाकीच्या गोडाऊनला आग‎ लागल्याचा पहिला काॅल अग्निशमन विभागात आला.‎ तत्काळ एक गाडी घेऊन जवान घटनास्थळाकडे रवाना‎ झाले. आगीची तीव्रता अधिक असल्यान दुसरा बंब‎ बाेलावून घेतला. आग अटाेक्यात आणण्याचे प्रयत्न सुरू‎ असतानाच शाेरूमध्ये शाॅर्टसर्किट झाल्याची माहिती‎ मिळाली अन‌् समाेरील भागातील शाेरूममध्ये आग‎ लागल्याचे सांगितले. तत्काळ तिसरी गाडी (बंब)‎ घटनास्थळी बाेलवून घेतली.
तीन बंबांच्या सहा फेऱ्या‎ करून सायंकाळी साडेसहापर्यंत आग आटाेक्यात‎ आणण्याचे प्रयत्न केले.‎ - व्ही. एम. कानतोडे, प्रमुख फायरमन, अग्निशमन न.प.‎ बीड‎