सर्पराज्ञीतील वन्यजीवांच्या शुश्रूषेत मदत‎:22 वर्षांपासून जखमी वन्यजीवांसाठी फळविक्रेता पुरवतो अन्न‎

येथील सर्पराज्ञी वन्यजीव‎ उपचार केंद्र अद्यापपर्यंत तालुक्यातीलच‎ नव्हे तर जिल्ह्यातील जखमी व आजारी‎ वन्यजीवांना जीवदान प्राप्त करून देणारे‎ केंद्र ठरलेले आहे. हजारो वन्यजीवांना‎ येथे पुन्हा उंच भरारी घेण्याची ताकद या‎ ठिकाणी मिळाली. या वन्यजीव उपचार‎ केंद्राला शासनाकडून कुठल्याही‎ प्रकारची मदत प्राप्त होत नाही. शिरूर‎ कासार शहरातील जमीर बागवान हा‎ फळ विक्रेता गेल्या २२ वर्षापासून येथील‎ वन्यजीवांना अन्न पुरवतो आहे.‎ तागडगाव येथील डोंगरावर सिद्धार्थ‎ सोनवणे व सृष्टी सोनवणे हे दांपत्य‎ सर्परांनी वन्यजीव उपचार केंद्र गेल्या २२‎ वर्षापासून चालवत आहे.

या प्रकल्पाच्या‎ माध्यमातून आतापर्यंत हजारो जखमी‎ वन्यजीवांवर सुश्रूषा करण्याचे काम केले‎ जाते. जखमी वन्यजीवांना सांभाळणे‎ खूप अवघड असल्याने प्रकल्प चालक‎ सिद्धार्थ सोनवणे यांनी शिरूर कासार‎ शहरातील फळ विक्रेते जमीर बागवान‎ यांना मदतीचा हात देण्याची विनंती २२‎ वर्षांपूर्वी केली होती. त्यानुसार जमीर‎ बागवान यांनी गेल्या २२ वर्षापासून‎ दररोज न चुकता येथील जखमी प्राण्यांना‎ केळी, सफरचंद, द्राक्ष व इतर फळे‎ विनाशुल्क पुरवली आहेत. त्यांचं हे‎ सामाजिक कार्य गेल्या २२ वर्षापासून‎ अविरत अखंडपणे चालू असून ते पुढे‎ देखील चालू राहणार असल्याची माहिती‎ त्यांनी दिली.

दरम्यान, सर्पराज्ञी वन्यजीव‎ प्रकल्पाचे संचालक सिध्दार्थ सोनवणे‎ यांनी जमीर बागवान यांच्या या‎ उपक्रमाचा मोठा आधार मिळत‎ असल्याचे सांगितले.‎ फळांवर दररोजचा खर्च‎ ३०० ते ४०० रुपये‎ सर्पराज्ञी प्रकल्पामध्ये सातत्याने‎ जखमी वन्यजीवांना उपचार‎ करण्यासाठी आणले जात असून येथील‎ जखमी प्राण्यांची संख्या मोठी असते.‎ जमीर बागवान यांना या जखमी‎ वन्यजीवांना अन्न पुरवताना सद्या दररोज‎ किमान ३०० ते ४०० रुपये एवढा खर्च‎ होतो. २२ वर्षांपासून बागवान हा खर्च‎ करत आहेत.‎