आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

तिघांना अटक:कत्तलखान्याकडे‎ जाणाऱ्या‎ 18 जनावरांना जीवदान‎

बीड‎एका महिन्यापूर्वी
  • कॉपी लिंक

अहमदनगर जिल्ह्यातील जामखेड‎ च्या आठवडी बाजारातून बीडच्या कत्तलखान्यात निघालेल्या १८‎ गोवंशीय जनावरांची नेकनूर‎ पोलिसांनी ३१ डिसेंबरला सुटका‎ केली. खंडाळा फाटा (ता.बीड)‎ येथे सापळा रचून टेम्पो पकडला. यावेळी तिघांना ताब्यात घेतले.‎ शफीक मोमीन इस्माईल (३०),‎ असद जाफर कुरेशी (१८),इलाईस‎ सादेक कुरेशी (२४, तिघे‎ रा.मोहमदीया कॉलनी, बीड) अशी‎ आरोपींची नावे आहेत. जामखेड‎ हून टेम्पोतून (एमएच ४३ एचडी-‎ ४३१७) बीडला कत्तलखान्यात‎ दाटीवाटीने कोंबून १८ जनावरे‎ आणली जात असल्याची माहिती‎ नेकनूर ठाण्याचे सहायक निरीक्षक‎ विलास हजारे यांना मिळाली होती.‎

पोलिस अधीक्षक नंदकुमार ठाकूर,‎ अपर अधीक्षक कविता नेरकर,उपअधीक्षक संतोष वाळके यांच्या‎ मार्गदर्शनाखाली हजारे यांनी‎ उपनिरीक्षक मनोहर मनोहर‎ आनवणे, हवालदार दीपक‎ खांडेकर, अंमलदार बालासाहेब‎ ढाकणे यांच्यासमवेत खंडाळा फाटा‎ येथे सापळा लावून टेम्पो पकडला.‎ त्यात ३ लाख ९४ हजार रुपयांची १८‎ गोवंशीय जनावरे आढळली.‎ टेम्पोसह एकूण ८ लाख १९ हजार‎ रुपयांचा मुद्देमाल ताब्यात घेतला. या‎ प्रकरणी तिघांवर गुन्हा दाखल‎ करण्यात आला.‎जामखेडमध्ये कत्तलीसाठी जाताना जनवारांचे वाहन पोलिसांनी पकडले.‎

जनावरे चौसाळा येथील‎ गोशाळेत केली रवाना‎
नेकनूर पोलिसांनी कत्तलखान्यात‎ जाण्यापासून वाचविलेली १८‎ जनावरे चौसाळा (ता.बीड) येथील‎ गोशाळेत पाठविली. तेथे त्यांच्या‎ चारा- पाण्याची व्यवस्था करण्यात‎ आली आहे.‎

बातम्या आणखी आहेत...