पूजेसाठी भाविकांची गर्दी:पुरुपोत्तमपुरीत पिंडीखाली सापडले सोन्याचे कासव, नवीन मंदिर उभारणीनंतर पिंडीखाली पुन्हा ठेवणार

सातशे वर्षांपूर्वी राजा रामदेवराय यांनी उभारलेले भगवान पुरुपोत्तमाचे एकमेव मंदिर माजलगाव तालुक्यातील पुरुपोत्तमपुरी गावात गोदावरी नदीच्या‎ काठी आहे. सध्या मंदिराचे नवीन‎ बांधकाम केले जात असून‎ पुरुषोत्तमाच्या मूर्तीसमोरील महादेवाची‎ पिंड काढत असताना पिंडीखाली एक‎ तोळा वजनाचे सोन्याचे कासव‎ सापडले असून भाविक कासवाची पूजा‎ करत आहेत.

अधिक मासात असते या मंदिरात यात्रा

नवीन मंदिर उभारणीनंतर‎ पुन्हा त्याच पिंडीत कासव ठेवले जाणार‎ आहे. पुरुषोत्तमपुरी येथे देशातील एकमेव भगवान पुरुषोत्तमाचे गोदावरी नदीच्या‎ काठावर मंदिर असून अधिक मासात‎ या गावात एक महिनाभर यात्रा असते.‎ तेव्हा भारतातून लाखो भाविक‎ दर्शनासाठी येतात

मंदिराच्या जीर्णोद्धाराचे काम सुरू

या मंदिराची होणारी‎ पडझड पाहता शासनाकडून मंदिराच्या जीर्णोद्धारासह विभागीय आयुक्त‎ सुनील केंद्रेकर यांच्या प्रयत्नातून ५४‎ कोटी ५६ लाख रुपयांचा निधी‎ शासनाकडून मंजूर झाला असून प्रत्यक्ष‎ कामाला सुरुवात झाली आहे.‎