पुढाकार:जि.प. उपशिक्षणाधिकाऱ्यांच्या हाती खडू,‎ तिसरीच्या विद्यार्थ्यांना दिले इंग्रजीचे धडे‎

\निपुण भारत अंतर्गत तालुक्यातील ‎सोनीमोहा येथील जिल्हा परिषद‎ शाळेत उपशिक्षणाधिकारी (मा.) ‎नानाभाऊ हजारे यांनी गुरुवारी (ता.५ ‎ ‎ जानेवारी) दुपारी भेट दिली. त्यांनी ‎तिसरीच्या वर्गावर जाऊन हातात खडू ‎ घेत तिसरीच्या वर्गावर इंग्रजी‎ विषयाचे धडे दिले. यावेळी इंग्रजीचे ‎संभाषण कसे करायचे, तिसरी लिपी ‎कशी लिहायची, इंग्रजीमध्ये नावे‎ कशी लिहायची यासंबंधी विद्यार्थ्यांना ‎सविस्तर माहिती दिली. त्यांचा उत्साह ‎पाहून विद्यार्थीही आनंदून गेले.‎ निपुण भारत अंतर्गत शिक्षण‎ विभागाकडून शाळेच्या गुणवत्तेची‎ तपासणी करण्यात येत आहे.

शाळेने‎ दिलेली माहिती अचूक आहे का याची‎ पाहणी विद्यार्थ्यांना भेटून घेण्यात येत‎ आहे. गुरुवारी जिल्हा परिषदेचे‎ उपशिक्षणाधिकारी नानाभाऊ हजारे‎ यांनी तालुक्यातील जिल्हा परिषद‎ उच्च प्राथमिक शाळा सोनीमोहा येथे‎ अचानक भेट दिली. यावेळी‎ शाळेतील सर्व अभिलेखे परिसर‎ आदी बाबींची त्यांनी पाहणी केली.‎ पाच विद्यार्थ्यांची गुणवत्ता तपासण्यात आली.

याचबरोबर त्यांनी खडू हातात‎ घेऊन तिसरीच्या वर्गावर इंग्रजी‎ विषयाचे धडे दिले.‎ इंग्रजीमध्ये तिसरी लिपी कशी‎ लिहायची? स्वतःची नावे कसे‎ काढायचे? इंग्रजीमध्ये लहान शब्दात‎ कसे संभाषण करायचे? साधे शब्द‎ कसे वापरायचे? आदी बाबी त्यांनी‎ विद्यार्थ्यांना अगदी सहजतेने‎ शिकवल्या. यावेळी विद्यार्थ्यांनी त्यांना‎ मोठ्या उत्साहामध्ये प्रतिसाद दिला.‎ शाळेच्या सर्व उपक्रमांची त्यांनी‎ पाहणी केली. वर्गांतर्गत विद्यार्थ्यांशी‎ संवाद साधला. विभागीय आयुक्तांचे‎ निर्देशानुसार ऍस्ट्रॉनॉमी क्लब, वाइल्ड‎ क्लब, वाचनालय, शालेय पोषण‎ आहार, परमवीर चक्र विजेते, जाग,‎ शाळा उपक्रम, भारतीय ऑलंपिक‎ पदक विजेते शाळेत राबवत असलेले‎ विशेष उपक्रम आणि त्यांची‎ अभिलेखे या सर्व बाबी पाहून‎ समाधान व्यक्त केले.‎ जि.प.प्रा.शाळेच्या सर्व शिक्षक बंधू‎ भगिनींबरोबर साहेबांनी शैक्षणिक‎ चर्चा केली.

तसेच सोनिमोहा‎ शाळेसाठी सर्व भौतिक सुविधा पूर्ण‎ ‎करण्यासाठी विशेष लक्ष देऊन पूर्तता‎ करण्याचे त्यांनी याप्रसंगी सांगितले.‎ अधिकाधिक विद्यार्थ्यांच्या सर्वांगीण‎ विकासासाठी सर्वांनी यापेक्षा अधिक‎ गतीने काम करण्याची आवश्यकता‎ आहे, असे मत त्यांनी व्यक्त केले.‎ यावेळी मुख्याध्यापक सर्जेराव‎ चव्हाण, सहशिक्षक मकरध्वज‎ आंधळे, सोमनाथ स्वामी, शेषनारायन‎ घोळवे, अंकूश जगदेव, रखमाजी‎ निर्मळ, विजय राठोड, सविता‎ गवलवाड, कल्पना साळवे, राजेभाऊ‎ तोंडे आदी उपस्थित होते.‎पशिक्षणाधिकारी नानाभाऊ हजारे यांनी जिल्हा परिषद उच्च प्राथमिक शाळा सोनीमोहा येथे‎ अध्यापन केले.‎

आठवड्यातून तीनदा‎ इंग्रजीतून परिपाठ घ्या‎ शाळा भेटीच्यादरम्यान परिपाठ हा‎ आठवड्यातून दोन ते तीन दिवस‎ इंग्रजीतून घ्यावा. तसेच‎ विद्यार्थ्यांचा इंग्रजीमध्ये संवाद‎ वाढवावा. उपलब्ध‎ साधनसामग्रीच्या माध्यमातून‎ अधिक अधिक गुणवत्ता कशी‎ वाढवता यासाठी शिक्षकांनी प्रयत्न‎ करण्याच्या सूचनाही‎ उपशिक्षणाधिकारी हजारे यांनी‎ केल्या.‎