आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

कार्यक्रम‎:बीडमधील इस्कॉन मंदिरात हरिनाम दिंडी,‎ संपूर्ण भगवद्गीता पठण कार्यक्रम‎

बीड2 महिन्यांपूर्वी
  • कॉपी लिंक

श्री संत सावता माळी चौकातील श्री श्री राधा‎ गोविंद मंदिरा तर्फे गीता जयंती निमित्त बीड ते रामगड‎ हरिनाम संकीर्तन दिंडी, भगवद्गीता ज्ञानदान व संपूर्ण‎ भगवद्गीता पठण कार्यक्रम पार पडला. लोकनाथ‎ स्वामी महाराज यांच्या मार्गदर्शनाखाली गीता जयंतीच्या‎ दिवशी श्री श्री राधा गोविंद मंदिर ते रामगड या तीर्थ‎ स्थानापर्यंत दिंडी काढण्यात आली. “हरे कृष्ण हरे कृष्ण‎ कृष्ण कृष्ण हरे हरे’ या महा मंत्राचा गजर करीत,‎ महालक्ष्मीचे दर्शन घेऊन संकीर्तन दिंडी राम गडाला‎ पोहोचली. याप्रसंगी राम गोविंद स्वामी महाराज यांनी‎ “परित्राणाय साधूनामं विनाशायेच दुष्कृतां” या गीतेच्या‎ श्लोकाद्वारे कशाप्रकारे भगवान श्रीकृष्णांनी‎ कुरुक्षेत्राच्या युद्धामध्ये पांडवांना विजयी करून‎ कौरवांचा म्हणजेच दुष्ट शक्तींचा ऱ्हास केला व पुन्हा‎ धर्माची स्थापना केली याची माहिती दिली.

मोक्षदा‎ एकादशीच्या दिवशी दुपारी दोन ते पाच या वेळेमध्ये‎ भगवद्गीता ज्ञान यज्ञ पार पडला. श्रीमद्‎ भगवद्गीतेतील संपूर्ण ७०० श्लोकांचे व १८ अध्यायाचे‎ पठण यावेळी करण्यात आले. कार्यक्रमासाठी इस्कॉन‎ बीडचे अध्यक्ष विठ्ठल आनंद प्रभू, श्रवणभक्ती प्रभू,‎ यादवेंद्र प्रभू व राधा गोविंद भक्त समाज यांचे विशेष‎ सहकार्य लाभले अशी माहिती इस्कॉन बीडचे प्रतिनिधी‎ श्रीमान कृष्ण नाम दास यांनी दिली.‎

बातम्या आणखी आहेत...