आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

मूर्ती:ज्ञानेश्वर मंदिराच्या प्रवेशद्वारावर समाधिस्थळी बसवली मूर्ती ; 20 वर्षांपासून सुरू होती प्रतीक्षा

शिरूर‎22 दिवसांपूर्वी
  • कॉपी लिंक

संत हैबत बाबांनी संत ज्ञानेश्वर महाराजांचा पालखी‎ सोहळा सुरू केला त्या वेळी त्यांच्यासोबत कासार‎ समाजाचे संत महादेव कासार सहभागी होते. पुढे‎ त्यांची समाधी माउली ज्ञानराजांच्या समाधी‎ मंदिराच्या प्रवेशद्वारावरच आहे. परंतु, भोवताली‎ दुकानांचा वेढा असल्याने त्यांचे दर्शनसुद्धा घेता येत‎ नव्हते. ज्यांनी पालखी सोहळा सुरू केला तेच‎ दुर्लक्षित ही बाब खेदजनक वाटत होती. गेल्या वीस‎ वर्षांपासून या समाधी मंदिराचा जीर्णोद्धार व्हावा ही‎ सर्वांचीच इच्छा होती.

मात्र, अडथळे येत होते.‎ अखेर वीस वर्षांची प्रतीक्षा संपली आणि पालखी‎ सोहळ्याचे साक्षीदार प्रस्थानापूर्वीच अलंकापुरीत‎ समाधिस्थानावर मूर्तिरूपाने विराजमान झाले.‎ यासाठी भागवताचार्य साध्वींसह अध्यक्ष शरद‎ भांडेकर, पारायण फंडाचे अध्यक्ष श्रीकांत इटकर,‎ सचिव अरुण वेळापुरे, गोविंद अंधारे, चंद्रकांत शेटे,‎ चंद्रकांत सरोदे, आनंद डांगरे, मंडलेश्वर काळे, प्रा.‎ सुभाष दगडे, योगेश रासणे, अशोक सातपुते,‎ रमाकांत कानडे, राजेश दोडे, अक्षय रासणे, दिनेश‎ जुन्नरकर, विनायक महिंद्रे, लक्ष्मीकांत सासवडे,‎ अजय कुंभकर्ण, सतीश रासणे यांच्या प्रयत्नाला यश‎ आले आणि संत महादेव कासार समाधिस्थळी‎ प्रस्थान सोहळ्याला मूर्तिरूपाने हजर झाले.‎

जयपूरहून आणण्यात आली मूर्ती‎ मूर्तीचा प्रस्ताव स्वीकारत औरंगाबाद येथील कृष्णाप्पा सरोदे‎ यांनी व त्यांचे सहकारी ग. मा. कासार यांनी ५० हजार रुपयांची‎ मूर्ती जयपूरहून आळंदीला आणली. संत महादेव कासार मूर्ती‎ स्थापन झाल्याने ज्ञानेश्वरी पारायण फड, संत महादेव कासार‎ दिंडी सोहळा व सकल कासार समाजात आनंद व्यक्त केला‎ जात आहे. लवकरच समाधिस्थळ सुशोभीकरणाचे काम केले‎ जाईल, असा विश्वास शिरूरचे भूमिपुत्र तथा अखिल भारतीय‎ कासार समाजाचे अध्यक्ष शरद भांडेकर व पुणे विकास‎ समितीचे रमाकांत कानडे यांनी व्यक्त केला.‎

बातम्या आणखी आहेत...