आंदोलन:परळीमध्ये संपामुळे शिक्षण,‎ महसूलच्या कामावर परिणाम‎‎

राज्य सरकारी कर्मचाऱ्यांच्या सुरू असलेल्या‎ संपाला परळी तालुक्यात मोठा प्रतिसाद मिळाला‎ आहे. संपात सहभागी झालेल्या कर्मचाऱ्यांनी‎ येथील तहसील कार्यालयापुढे थाळीनाद‎ आंदोलन केले.‎ १४ मार्चपासून राज्यभर कर्मचाऱ्यांचे हे‎ आंदोलन सुरू आहे. या आंदोलनामुळे शिक्षण,‎ आरोग्य, महसूल व इतर सेवांवर परिणाम झाला‎ आहे. तालुक्यात या आंदोलनाला मोठा प्रतिसाद‎ मिळाला असून कर्मचारी मोठ्या संख्येने‎ सहभागी झाले आहेत.‎ संपात सहभागी झालेल्या कर्मचाऱ्यांनी तहसील‎ कार्यालयापुढे धरणे दिले होते. त्यास चांगला‎ प्रतिसाद मिळाला होता. “एकच मिशन जुनी‎ पेन्शन’ अशा घोषणांनी तहसील कार्यालयाचा‎ परिसर दणाणून गेला होता. बुधवारी पंचायत‎ समिती कार्यालयापासून तहसील कार्यालयापर्यंत‎ कर्मचार्‍यांनी विविध घोषणा देत मोर्चा काढला.‎ त्यात कर्मचारी मोठ्या संख्येने सहभागी झाले‎ होते. गुरुवारी बीड येथील मोर्चात परळी‎ तालुक्यातून कर्मचारी मोठ्या संख्येने सहभागी‎ झाले होते.‎

शुक्रवारी तहसील कार्यालयापुढे संपातील‎ कर्मचाऱ्यांनी थाळीनाद आंदोलन केले.‎ कर्मचाऱ्यांच्या संपामुळेशिक्षण, आरोग्य,‎ कृषी, महसूल, नगरपालिका, पंचायत समिती‎ आदी विभागाच्या कामकाजावर परिणाम झाला‎ आहे. यामुळे सर्वसामान्य नागरिकांची गैरसोय‎ होत आहे.‎ दरम्यान, या संपात अद्याप जे कर्मचारी सहभागी‎ झाले नाहीत, अशा कर्मचाऱ्यांनी मोठ्या संख्येने‎ सहभागी व्हावे, असे आवाहन समन्वयक‎ समितीचे निमंत्रक बंडू आघाव, अशोक मस्कले,‎ निलकंठ दराडे, प्रविण रोडे, मोहन गित्ते, विनोद‎ मिसाळ, विष्णू गित्ते, राहुल पोटभरे, अशोक‎ भोजने, डी.डी.गोरे, डी.जे.पवार, दिलीप‎ भालेराव, प्रकाश मुंडे, अजय बळवंत, नंदकिशोर‎ जातकर यांच्यासह शंकर गव्हाने, शशांक‎ दामोशन, प्रविण काळे,एच.आर.घुले, गणेश‎ फड, अनिल गवळी, सुरज शिंदे, सय्यद हासिब,‎ विठ्ठल आम्ले, प्रताप कांदे, रामप्रभू फड, वैजनाथ‎ मुंडे, ज्ञानेश्वर कराड, कृष्णा धोत्रे, दिपक‎ खंदारे,महिला प्रतिनिधी श्रीमती रमाताई दासूद,‎ सुचिता गर्जे, एस.व्ही.बास्टे, सुनिता रांजनकर,‎ मंगल मुंडे, एस.एस.शिंदे, व्ही.एस.गिरी, मंजूषा‎ आरसुडे, अर्चना खाडे, आदींनी केले आहे.‎