धक्कादायक:बीड शहरात पत्नीचा खून करून‎ सासऱ्यासमोर आत्महत्येचा बनाव‎, 15 महिन्यांपूर्वीच झाला होता विवाह, पतीला अटक

कौटुंबिक वादातून पत्नीचा ओढणीने गळा ‎ ‎ आवळून खून केल्यानंतर आत्महत्येचा‎ बनाव करण्यात आल्याचा प्रकार शहरातील‎ पेठ बीड भागात घडला. याप्रकरणी पतीला‎ पोलिसांनी बेड्या ठाेकल्या आहेत.‎ ‎ मुस्कान शाहेद शेख‎ ‎ असे असे खून झालेल्या‎ ‎ विवाहितेचे नाव आहे.‎ ‎ शहरातील तेलगाव नाका‎ ‎ येथील रहिवासी‎ ‎ असलेल्या मुस्कन शेख‎ ‎ यांचा विवाह १५‎ ‎ महिन्यांपूर्वी माजलगाव‎ तालुक्यातील पात्रुड येथील शाहेद शेख‎ याच्याशी झाला होता. लग्नाला काही महिने‎ होत नाहीत तोच मुस्कान आणि त्यांच्या‎ सासरकडील मंडळी यांच्यात वाद होऊ‎ लागले. सतत हे वाद होत होते. मुस्कान‎ यंाच्या वडिलांनी अनेकदा हे वाद मिटवले‎ होते मात्र मुस्कान यांना सासरच्या‎ मंडळींकडून त्रास दिला जात होता. काही‎ दिवसांपूर्वीच सतत वाद होत असल्याने‎ मुस्कान यांचे वडिल जमील शेख यांनी‎ मुस्कानला पात्रूड येथून बीडमध्ये आणले‎ होते. त्यानंतर शाहेदही बीडमध्ये आला‎ होता. त्यांना पेठ बीड भागातील युनूस‎ पार्कमध्ये त्यांनी किरायाने घर करुन दिले‎ होते. तिथे हे दोघे वास्तव्यास होते. ५‎ एप्रिल रोजी मुस्कान आणि शाहेद‎ यांच्यात पात्रुड येथील घरातील काही‎ सामान बीडमध्ये आणण्याच्या‎ कारणावरुन वाद झाला होता. या‎ वादातूनच शाहेद याने ओढणीने गळा‎ आवळून मुस्कान यांचा खून केला.‎

सोमवारपर्यंत कोठड‎ पेठ बीड पोलिसांनी आरोपी पती शाहीदला‎ अटक केली. त्याला न्यायालयासमोर हजर‎ केले असता न्यायालयाने त्याला सोमवार‎ पर्यंत पोलिस कोठडी सुनावल्याची माहिती‎ तपास अधिकारी तथा पेठ बीड ठाण्याचे‎ प्रभारी सहायक पोलिस निरीक्षक रामचंंद्र‎ पवार यांनी दिली.‎

मुस्कान शेख.‎ मुस्कानने आत्महत्या केली‎ दरम्यान, पत्नी मुस्कानचा खून करुन‎ शाहेदने गुरुवारी (दि.६) सकाळी‎ साडेआठ वाजता सासऱ्यांना फोन केला.‎ तुमच्या मुलीची तब्येत ठिक नसून तिच्या‎ तोंडातून फेस येत असल्याचे त्याने‎ सांगितले. नंतर मुलीने आत्महत्या‎ केल्याचा बनाव शाहीदने केला.‎

रुग्णालयात माहेरच्यांचा आक्रोश, वातावरण सुन्न‎ मृत मुस्कान हीला पतीने सुरुवातीला‎ जिल्हा सामान्य रुग्णालयात आणले होते‎ तिथेही त्याने तिने आत्महत्येचा प्रयत्न‎ केल्याची माहिती दिली. तपासणीनंतर‎ पोलिसांनी ती मृत असल्याचे सांगितले.‎ त्यानंतर मुस्कानच्या माहेरची मंडळी‎ आली. मुलीच्या मृत्यूची माहिती कळताच‎ त्यांनी रुग्णालात आक्रोश केला यामुळे‎ वातावरण सुन्न झाले होते. जिल्हा‎ सामान्य रुग्णालयातच शवविच्छेदन केले‎ गेले. शवविच्छेदन अहवालातही खून‎ केल्याचे स्पष्ट झाल्याने पोलिसांनीही‎ खूनाचा गुन्हा नोंदवून घेत शाहीदला‎ अटक केली. सोमवारी कोठडी‎ संपल्यानंतर त्याला पुन्हा न्यायालयाच्या‎ समोर हजर करण्यात येईल.‎