आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

90 किमी परिक्रमा‎:वीज पुरवठा खंडित झाल्यास या क्रमांकावर साधा संप्रर्क 7875176464‎

बीड‎एका महिन्यापूर्वी
  • कॉपी लिंक

नदी, समाज आणि शासन यांच्यात‎ सुसंवाद प्रस्थापित करण्यासाठी‎ आजपासून नदी परिक्रमेला प्रारंभ होत‎ आहे. स्वातंत्र्याच्या‎ अमृतमहोत्सवानिमित्त राज्य सरकारने‎ //"चला जाणूया नदीला'' या अभियानाची‎ सुरुवात केली आहे. बीड जिल्ह्यातून‎ उगम पावणाऱ्या मांजरा नदीची पूर्ण‎ परिक्रमा करण्यासाठी निवड करण्यात‎ आली आहे. या नदीचा चार राज्यांमधून‎ प्रवाह असून त्याची लांबी ७५०‎ किलाेमीटर आहे.

या परिक्रमेस बीड‎ जिल्ह्यात पाटाेदा तालुक्यातील‎ गवळवाडी येथून आज बुधवारपासून (‎ ४ जानेवारी) सुरुवात केली जाणार आहे.‎ जिल्हाधिकाऱ्यांच्या अध्यक्षतेखाली २७‎ अधिकाऱ्यांची समिती गठित करण्यात‎ आली आहे. मांजराकाठच्या ४ तालुके‎ आणि ५२ गावांत ही नदी परिक्रमा काढली‎ जाणार आहे. बीड जिल्ह्याच्या ९०‎ किलाेमीटर अंतर लांबीच्या परिक्रमेसाठी‎ नावीन्यपूर्ण योजनांसाठी मंजूर तरतुदीच्या‎ १० टक्के मर्यादेपर्यंत विशेष बाब म्हणून‎ निधीची तरतूद करण्यात आली आहे.‎

मांजरा नदीचा उगम पाटाेदा‎ तालुक्यातील गवळवाडी येथे झाला‎ असून पुढे ही नदी बीड जिल्हा,‎ उस्मानाबाद जिल्हा, लातूर जिल्हा, नांदेड‎ जिल्हा करत महाराष्ट्र राज्यातून कर्नाटक,‎ तेलंगण आणि आंध्र प्रदेशात जाते. प्रत्येक‎ ठिकाणी या नदीची वेगवेगळी नावे‎ आहेत. एकूण ७५० किलाेमीटर अंतर‎ असणाऱ्या नदीची परिक्रमा संबंधित‎ जिल्हा प्रशासनाद्वारे केली जाणार आहे.‎

या संपूर्ण मांजरा नदी परिक्रमेमधून‎ जिल्हा प्रशासनाद्वारे राज्य शासनास‎ अहवाल दिला जाणार आहे. जिल्ह्यातील‎ उद्योगांची गावनिहाय आणि उद्योगनिहाय,‎ नद्यांच्या प्रदूषणाची मागील तीन वर्षांतील‎ अहवाल, मल-जलनिस्सारणाची‎ माहिती, पाण्याचा ताळेबंद (केला‎ असल्यास) अन्यथा त्याची पूरक‎ माहिती, कांदकळणे इ.बाबत माहिती,‎ खाऱ्या आणि गोड्या पाण्याच्या समस्या‎ असलेली गावे, याशिवाय स्थानिक‎ स्तरावर इतर आवश्यक माहितीचा‎ समावेश असणार आहे.‎ बुधवारी सकाळी ८.३० वाजता‎ परिक्रमेस हाेणार प्रारंभ‎ परिक्रमा उद‌्घाटन सकाळी ८.३०‎ वाजता वन विभागातील अधिकारी‎ व मानवलाेक संस्था पदाधिकारी‎ यांच्या उपस्थितीत हाेणार आहे. या‎ वेळी काेणतेही राजकीय भाषण‎ तसेच आदर्श आचारसंहिता भंंग‎ हाेणार नाही याची दक्षता घेण्याचे‎ निर्देश जिल्हाधिकारी शर्मा यांनी‎ दिले.‎

नावीन्यपूर्ण योजनांसाठी मंजूर तरतुदीच्या १० टक्के मर्यादेपर्यंत विशेष बाब म्हणून निधीची तरतूद‎ चला जाणूया नदीला परिक्रमाचे ११ मुख्य उद्देश‎ नदी संवाद अभियानाचे आयोजन करणे, जनसामान्यांना नदीसाक्षर‎ करण्याबाबत उपाययोजना आखणे, नागरिकांच्या सहकायाने नद्यांचा‎ अभ्यास करणे व त्याबाबतचा प्रचार व प्रसार करणे, अमृतवाहिनी‎ बनवण्यासाठी मसुदा तयार करणे.

नदीचे स्वास्थ्य आणि मानवी आरोग्य‎ याबाबत प्रचार व प्रसार रूपरेषा आखणे, प्रवाह जैवविविधतेबाबत प्रत्येक‎ जिल्ह्यात प्रचार-प्रसार याबाबत नियोजन करणे, नदी खोऱ्याचे नकाशे,‎ नदीची पूररेषा, पाणलोट क्षेत्राचे नकाशे, पर्जन्यमान नोंदी, मागील पाच‎ वर्षांतील पूर आणि दुष्काळाच्या नोंदी याबाबतची माहिती संकलत करणे,‎ पावसाचे पाणी योग्य जागी अडवून भूजल स्तर उंचावणे, जनजागृती‎ करणे. अतिक्रमण, शोषण आणि प्रदूषण या तीन प्रमुख कारणांचा अभ्यास‎ व त्याचा परिणाम अभ्यासणे, नदी संवाद यात्रा आयोजित करण्याबाबत‎ आराखडा तयार करून अंमलबजावणी करणे आदी.‎

बीड जिल्ह्यातील मांजरा नदीची सीमा‎ पाटाेदा तालुक्यात उगमस्थान गवळवाडी, शेवट पाचंग्री‎ बीड तालुक्यात प्रारंभ गाव पाचंग्री, शेवट पालसिंगन‎ केज तालुक्यात प्रारंभ गाव पालसिंगन, शेवट इस्थळ‎ अंबाजाेगाई तालुक्यात प्रारंभ गाव आपेगाव, शेवट तडाेळा‎ असे एकूण चार तालुक्यातील ५२ गावंमधून ९० किलाेमीटर‎ अंतराची मांजरा नदी परिक्रमा केली जाणार आहे.‎

बातम्या आणखी आहेत...