हरिनाम‎ सप्ताह:दिंद्रुडच्या खोलेश्वर संस्थानात अखंड हरिनाम‎ सप्ताहाची उत्साहात सांगता, भाविकांची गर्दी‎

दिंद्रुड येथे गेल्या आठ दिवसांपासून सुरू‎ असलेल्या अखंड हरिनाम सप्ताहाची‎ सांगता गुरुवारी खोलेश्वर देवस्थान येथे‎ उत्साहात करण्यात आली. याप्रसंगी‎ येथील भावी डॉक्टर्ससह गुणवंत‎ विद्यार्थ्यांचा मातापित्यांसह गौरव‎ सोहळा आयोजित करण्यात आला.‎ दिंद्रुड (ता.माजलगाव) येथे गेल्या‎ ३३ वर्षांपासून मित्ती माघ पंचमीला श्री‎ संत जगद्गुरु तुकाराम महाराज‎ जन्मोत्सव व विठ्ठल रुक्मिणी मंदिर‎ वर्धापन दिनानिमित्त ग्रंथराज ज्ञानेश्वरी‎ पारायण, भागवत कथा ज्ञानयज्ञ व‎ कीर्तन महोत्सव तथा अखंड हरिनाम‎ सप्ताहाचे आयोजन ग्रामस्थ करतात.‎

यात राज्यभरातील कीर्तनकार कीर्तन‎ महोत्सवात उपस्थित राहून श्रीचरणी‎ सेवा बजावतात. यंदा २६ जानेवारी रोजी‎ सप्ताहाला प्रारंभ झाला आणि २‎ फेब्रुवारी रोजी उमेश महाराज दशरथे‎ आळंदीकर यांच्या काल्याचे किर्तनाने‎ सप्ताहाची सांगता झाली. किर्तनानंतर‎ येथील नीट परीक्षेत यश संपादन करीत‎ वैद्यकीय क्षेत्रात एमबीबीएससाठी‎ पदार्पण करणाऱ्या गणेश सुंदर कटारे,‎ मंगेश शिवाजी हंगरगे, अक्षय रमेश‎ काटकर, सिद्धेश्वर दत्ता भुजबळ,‎ स्वराज सुधाकर देशमाने, मंजुश्री‎ शिवाजी हंगरगे, बीएएमएस सानिका‎ विलास पारेकर, सिद्धी सतीश जाधव‎ यांच्यासह गुणवंतांचा सत्कार केला.‎