आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

सामान्यांची परवड:केजसह माजलगाव, गेवराई तालुक्यात‎ पहाटे पासूनच वीज गायब, लघू उद्योग ठप्प‎

बीड‎एका महिन्यापूर्वी
  • कॉपी लिंक

खाजगी करणाच्या विरोधात‎ जिल्ह्यातील १५०० वीज अधिकारी व‎ कर्मचाऱ्यांनी मंगळवारी‎ मध्यरात्रीपासून संपात उडी घेतेल्याने‎ या संपाचा जिल्ह्यातील ग्रामीण‎ भागावर परिणाम दिसुन आला. केज,‎ माजलगाव, गेवराई शहरात पहाट‎ पासूनच वीज गायब झाली होती.‎ शिरूर तालुक्यात वीज पुरवठा खंडीत‎ झाल्याने ग्रामीण भागात कांदा लागवड‎ थांबली. वडवणीत आठवडी‎ बाजारावर परिणाम झाला. धारूर‎ तालुक्यातील खडकी देवळा केंद्रातील‎ वीज गायब असल्याने दहा गावातील‎ विद्युत पुरवठा बंद होता. अंबाजोगाई‎ येथील उपविभागीय कार्यालयातील‎ ४५० अधिकारी-कर्मचारी संपात‎ सहभागी झाले होते.

मध्यरात्री बारा‎ वाजेपासून बुधवारी सायंकाळी पाच‎ वाजेपर्यंत शहरातील विद्युत पुरवठा‎ सुरळीत सुरू होता. फ्युज कॉल‎ साठीचे फोन चालू होते. गिरवली‎ येथील कर्मचाऱ्यांनी आंदोलन केले.‎ केज: बुधवारी शहरातील‎ कार्यालयासमोर वीज अधिकारी‎ -कर्मचाऱ्यांनी घोषणाबाजी करून‎ निदर्शने केली. संपाच्या पहिल्या‎ दिवशी ग्रामीण भागातील वीज पुरवठा‎ पहाटे साडेचार वाजल्या पासुन बंद‎ झाल्याने शेतकरी, ग्राहक आणि‎ नागरिक हैराण झाले.‎‎धारूरमध्ये कंत्राटी कर्मचाऱ्यांनी वीज पुरवठ्याची कामे दिवसभर सांभाळली तर केज शहरातील कार्यालयासमोर‎ वीज अधिकारी -कर्मचाऱ्यांनी घोषणाबाजी करून निदर्शने केली.‎

बीड : विजेचा लंपडाव‎ बीड शहरातील काही भागात वीज‎ पुरवठा सुरू होता तर काही भागात‎ सकाळ पासून वीज पुरवठा खंडीत‎ झालेला होता. शहरातील वीज‎ कंपनीच्या जालनारोडवरील मंडल‎ कार्यालयात सनियंत्रण कक्ष स्थापण‎ करून ग्राहकांसाठी मोबाईल क्रमांक‎ देण्यात आला होता. दिवसभरात‎ वीज पुरठवा खंडीत होताच‎ ग्राहकांनी भेट संपर्क साधला.‎ वडवणी : आठवडी‎ बाजारावर परिणाम‎ वडवणीत मंगळवारी मध्यरात्रीपासून‎ बुधवारी दुपारी १२ वाजेपर्यंत वीज‎ होती. पंरतु त्यानंतर वडवणी तील‎ वीज पुरवठा खंडीत झाल्याने लघु व‎ मध्यम उद्योग बंद राहिले. बुधवारी‎ येथील बाजार होता. आठवडी‎ बाजारात ग्रामस्थ वीजेची उपकरणे‎ दुरूस्तीसाठी घेऊन येतात वीज‎ नसल्याने ही उपकरणे दुरूस्त करता‎ आली नाही. वीज नसल्याने‎ फॅब्रीकेशन, हॉटेल, छोटे दवाखाने,‎ मेडीकल, शासकीय कार्यालय,‎ बँका, पतसंस्था, शाळा‎ महाविद्यालयातील वीज पुरवठा बंद‎ होता.‎

गेवराईत : सकाळी सहा वाजताच वीज गायब‎ गेवराई : लाईनमन, आँपरेटर ,आऊट सोर्सस असे ८६ अधिकारी -‎ कर्मचारी आजच्या संपात सहभागी झाले. कर्मचाऱ्यांनी सकाळी‎ महावितरणच्या कार्यालयात जावुन निषेध नोंदवला.मादळमोही‎ महावितरण कार्यालयात सकाळी वीज गेली होती. गेवराईत सकाळी‎ सहा वाजता गेलेली वीज दुपारी १२ वाजता पुर्ववत झाली होती.‎ शिरूर : तालुक्यात कांदा लागवड रखडली‎ शिरूर तालुक्यात ५० वीज अधिकारी कर्मचारी संपात सहभागी झाले‎ होते.दगडवाडीतील १३२ केव्ही सबस्टेशन वरुन ब्रम्हनाथ‎ येळंब,फुलसांगवी, पिंपळनेर,लोणी,पारगाव , पौंडूळ,खालापुरी,रायम‎ ोहा या गावांना होणारा वीज पुरवठा खंडित झाला होता. शिवाय शिरूर‎ शहरातील महावितरणचे मुख्य कार्यालय बंद होते.वीज पुरवठा खंडीत‎ असल्याने बीएसएनएलची रेंज देखील गायब होती.‎

धारूर : तालुक्यात दहा‎ गावात वीज गुल‎ धारूर- येथील सहाय्यक उपअभियंता‎ कार्यालय व शाखा अभियंता‎ कार्यालयाला बुधवारी कुलूप होते‎ .कंत्राटी कर्मचाऱ्यांनीच विद्युत‎ पुरवठ्याची कामे दिवसभर सांभाळली.‎ धारूर, चिंचवण, आडस, अासरडोह,‎ आंबेवडगाव, भोगलवाडीफाटा, खडकी‎ देवळा, होळ या सात केंद्रातील विद्युत‎ पुरवठा सुरळीत परंतु खडकी देवळा‎ केंद्रातील वीज गायब असल्याने दहा‎ गावातील विद्युत पुरवठा बंद होता.‎

बातम्या आणखी आहेत...