आरोग्य तपासी शिबिर:जिल्ह्यात तीन महिन्यांत दोन हजार‎ मुलींना मिळणार सुकन्याचे खातेपुस्तक‎

महिला आर्थिक विकास महामंडळाच्या‎ वतीने डिसेंबर २०२२ ते मार्च २०२२ या‎ कालावधीत मविमच्या कार्यक्षेत्रातील बचत‎ गटातील महिलांच्या तब्बल दोन हजार‎ मुलींचे सुकन्या योजनेते खाते उघडले‎ जाणार असून मुलींच्या हाती पासबुक येणार‎ आहे. क्रांतीज्योती सावित्रीबाई फुले‎ जयंतीनिमित्त हा उपक्रम जिल्हाभरात‎ राबविण्यात येणार असल्याची माहिती‎ मविमचे जिल्हा समन्वय अधिकारी एस.बी.‎ चिंचोलीकर यांनी दिली.‎ क्रांतीज्योती सावित्रीबाई फुले यांच्या‎ जयंतीनिमित्त मविमच्या वतीने जिल्ह्यात‎ मुलींच्या जन्माचे स्वागत करण्यात आले.‎

त्याच बरोबर महिला आरोग्य तपासी शिबिर‎ उपक्रमाची सुरुवात करण्यात आली.‎ लोकसंचलित साधन केंद्र व स्वयंसहाय्य‎ महिला बचतगटाच्या सहकार्याने मुलीच्या‎ जन्माचे स्वागत करण्यासाठी बचतगटातील‎ गरजू महिलांच्या सहा महिने ते दहा वर्षांच्या‎ आतील मुलींसाठी सुकन्या योजने खाते सुरु‎ करण्याचा उपक्रम राबविण्यात येत असून‎ येत्या मार्च २०२३ पर्यंत किमान दोन हजार‎ मुलींचे सुकन्या योजनेचे खाते काढून‎ देण्यात येणार आहे.

यावेळी लेखाधिकारी‎ मुंजेवार, व्यवस्थापक उषा राठोड,‎ सहयोगिनी, भागवत गायकवाड, संतोष‎ ठाकूर आदी उपस्थित होते.‎ वीस हजार महिलांना हेल्थ कार्ड‎ महिला आर्थिक विकास महामंडळाच्या‎ या उपक्रमांतर्गत महिलांमधील ऍनिमियाचे‎ निर्मूलन करण्यासाठी बीड जिल्ह्यातील २०‎ हजार महिलांचे हिमोग्लोबिन व आरोग्य‎ तपासणी करून त्यांना हेल्थ कार्ड वाटप‎ करण्यात येणार आहे. त्याचा लाभ घ्यावा,‎ असे आवाहन करण्यात आले आहे.‎