आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

दिव्य मराठी विशेष‎:नव्या वर्षात पाणी, विजेची व्यवस्था;‎ एमआयडीसीमध्ये सुरु होणार उद्योेग‎

‎ ‎ ‎ ‎ दिलीप झगड| माजलगाव‎एका महिन्यापूर्वी
  • कॉपी लिंक

माजलगाव तालुक्यातील‎ सावरगाव येथे २०१२ मध्ये‎ उभारण्यात आलेल्या पंचतारांकित‎ एमआयडीसी मध्ये सध्या तीन‎ उद्योग सुरू आहेत. नवीन वर्षात‎ या ठिकाणी विजेबरोबरच‎ पाण्याची व्यवस्था होणार‎ असल्याने येथे आणखी उद्योग‎ येणार असल्याने हजारो सुशिक्षित‎ बेरोजगारांच्या हाताला काम‎ मिळणार आहे.‎ तालुक्यातील सावरगाव येथे २०१२‎ मध्ये पंचतारांकित एमआयडीसी‎ सुरू करण्यात आली.

१५९.५२‎ हेक्टरवर उभारण्यात आलेल्या या‎ एमआयडीसीत १८३ इंडस्ट्रियल‎ प्लॉट तयार करण्यात आले असुन‎ त्यात सहा कमर्शियल वाणिज्य‎ प्लॉट असे एकूण १८९ प्लॉट‎ उद्योगासाठी पाडण्यात आले‎ आहेत. यापैकी ८१ भूखंड वाटप‎ करण्यात आले आहेत.‎ माजलगावचे आमदार प्रकाश‎ सोळंके यांच्या सुपुत्र वीरेंद्र‎ सोळंके यांचा वस्त्रोद्योग या‎ ठिकाणी सुरू झाला आहे.‎ याचबरोबर ऑइल मिल, डाळ‎ मिल प्रॉडक्शन असे दहा उद्योग‎ सध्या उभारत आहेत.‎ माजलगाव येथील एमआयडीसी‎ अंतर्गत रस्ते पाणी व वीज सध्या‎ उपलब्ध असून यावर छोटे छोटे‎ उद्योग सध्या सुरु आहेत.

परंतु‎ नवीन वर्षात माजलगाव धरणातून‎ उद्योगासाठी लागणारे मुबलक‎ पाणी हे पाईपलाईनद्वारे या ठिकाणी‎ येणार आहे. तसा प्रस्ताव देखील‎ मंजूर झाला आहे. दुसरीकडे‎ विजेची कमतरता भासू नये म्हणून‎ एमआयडीसीत एमएसईबीची‎ जागा राखीव ठेवण्यात आली‎ आहे. येथेच वीज प्रकल्प‎ उभारला जाणार आहे.‎ आता नवीन वर्षात या दोन्ही‎ सुविधा लवकरात लवकर सुरू‎ होणार असल्याने या ठिकाणी‎ नवीन वर्षामध्ये आणखी मोठ मोठे‎ उद्योग येणार असल्याने सुशिक्षित‎ सुशिक्षित बेरोजगार तरुणांना‎ हाताला काम मिळणार आहे.‎ त्यामुळे बेरोजगारांत समाधानाचे‎ वातावरण आहे.‎

माजलगाव येथील एमअायडीसीचे ड्राेनच्या सहाय्याने घेतलेले छायाचित्र छाया : गाेविंद उगले, माजलगाव‎ सरळ पद्धतीने वाटप‎ येत्या दोन महिन्यांमध्ये माजलगाव‎ येथील पंचतारांकीत एमआयडीसी‎ मध्ये ८० टक्के भूखंडाचे सरळ‎ पद्धतीने वाटप होणार आहे. १०८‎ प्लॉट शिल्लक आहे. या ठिकाणी‎ मोठ्या मोठ्या कंपन्या येणार अाहे.‎ ़-अरुण व्ही.मोरे, सहायक,‎ एमआयडीसी.‎सहाच तास वीज‎ ठिकाणी उद्योग येत आहेत परंतु,‎ अद्याप वीजपुरवठा पूर्णवेळ नाही.‎ सध्या केवळ सहा तास वीज दिली‎ जात आहे. त्यामुळे उद्योजकांना‎ अडचणी आहेत. वीज आणि पाणी‎ मिळाल्यास उद्योग वाढतील.‎ ‎ -संतोष तापडीया, उद्योजक‎ माजलगाव‎

महामार्गाचा फायदा‎ माजलगाव शहरातून दोन राष्ट्रीय‎ महामार्ग गेले आहेत. पहिला‎ कल्याण विशाखापट्टणम महामार्ग‎ आहे तर, दुसरा खामगाव - पंढरपूर‎ हा राष्ट्रीय महामार्ग आहे. दोन‎ महामार्गामुळे एमआयडीसीतील‎ उद्योगांना दळणवळणाची सुविधा‎ सुकर होणार आहे.‎

बातम्या आणखी आहेत...