उद्घाटन‎:बळीराजा भवनाचे‎ टाकरवणला उद्घाटन‎

माजलगाव तालुक्यातील टाकरवण‎ ग्रामपंचायतीच्या वतीने शेतकरी‎ बांधवांसाठी बळीराजा भवनाचे‎ उद‌्घाटन करण्यात आले.‎ कारखान्याला ऊस देण्यासाठी‎ तसेच शासनाच्या नवीन‎ योजनांसाठी शेतकऱ्यांना धावपळ‎ करावी लागते. शेतकऱ्यांची ही‎ समस्या दूर व्हावी, यासाठी‎ टाकरवण ग्रामपंचायतीने बळीराजा‎ भवन सुरु केले.‎ माजलगाव तालुक्यातील प्रत्येक‎ साखर कारखान्यांच्या कर्मचाऱ्यांनी‎ या बळीराजा भवनात येऊन भेट‎ द्यावी, असे आवाहन ग्रामपंचायतीने‎ केले आहे. त्यामुळे शेतकऱ्यांची‎ सोय होणार आहे.

तसेच शासनाच्या‎ योजनांची माहिती इथे मिळणार‎ आहे. तसेच नवी योजना असल्यास‎ शासनाचे कर्मचारी येथे भेट देणार‎ आहेत. त्यामुळे बळीराजा भवनाचा‎ फायदा शेतकऱ्यांना होणार आहे.‎ टाकरवण ग्रामपंचायतीने राबलेल्या‎ या उपक्रमाचे शनिवारी उद‌्घाटन‎ करण्यात आले. यावेळी सरपंच‎ सुनिल तौर, संचालक गणपतराव‎ आरबे, संचालक रावसाहेब‎ गायकवाड, वसिम पटेल, महादेव‎ कदम, संतोष खोमाड, सलीम शेख,‎ दत्ता बनगर, विलास लव्हाळे, प्रभु‎ गरड, दत्ता धायरे, राहुल ढाळे, ढगे,‎ वसंत पुंगळे आदी हजर होते.‎