सूचना‎:अधीक्षकांकडून शाखांची पाहणी,‎ तपासणीच्या अनुषंगाने सूचना‎

जिल्हा पोलिस दलाच्या वार्षिक‎ तपासणीच्या तयारीचा आढावा‎ गुरुवारी पोलिस अधीक्षक नंदकुमार‎ ठाकूर यांनी घेतला. पोलिस‎ अधीक्षक कार्यालयातील विविध‎ शाखांना भेटी देत त्यांनी पाहणी‎ केली. शिवाय, कार्यालयाच्या‎ परिसराची पाहणी करुन‎ स्वच्छतेच्या सूचनाही दिल्या.‎ विशेष पोलीस‎ महानिरीक्षकांकडून केल्या जाणाऱ्या‎ वार्षिक तपासणी दरम्यान पोलिस‎ दलातील शिस्त दिसून यावी, कुठेही‎ कमतरता राहू नये, इमारत आणि‎ कार्यालयांची स्वच्छता असावी या‎ दृष्टीने काम केले जात आहे.

‎ गुरुवारी रोजी जिल्हा पोलिस‎ अधीक्षक नंदकुमार ठाकूर यांनी‎ अधीक्षक कार्यालयातील आर्थिक‎ गुन्हे शाखा तसेच पत्रव्यवहार शाखा‎ यासह अन्य विभागांना भेटी देवून‎ संबंधित अधिकाऱ्यांना योग्य त्या‎ सूचना दिल्या.यावेळी अप्पर पोलिस‎ अधीक्षक सचिन पांडकर, गृह‎ विभागाचे प्रभारी उपअधीक्षक‎ प्रशांत शिंदे यांच्यासह इतरांची‎ उपस्थिती होती.

एस पी ठाकूर यांनी‎ स्थानिक गुन्हे शाखा, सायबर‎ शाखा, भरोसा सेल, एएचटीयू,‎ आर्थिक गुन्हे शाखेला भेट देऊन‎ त्यांनी अधिकार्‍यांना सूचना करत‎ संचिका व दस्ताऐवज सुस्थितीत‎ ठेवावा, सर्व रेकॉर्ड व्यवस्थित जतन‎ करावे तसेच भिंतीच्या खिडक्यांना‎ लावलेली कापडी पडदे स्वच्छ‎ करून घ्यावेत यासह कार्यालयाचा‎ परिसर स्वच्छ ठेवावा या व इतर‎ सूचना दिल्या.‎ येत्या १३ ते १७ फेब्रुवारी दरम्यान‎ जिल्हा पोलिस दलाची विशेष‎ पोलिस महानिरीक्षक‎ के.एम.मलिकार्जुन प्रसन्ना‎ यांच्याकडून वार्षिक तपासणी होणार‎ आहे. या पार्श्वभूमीवर जिल्हा‎ पोलिस दल सर्व संचिका तसेच‎ पोलिस अधीक्षक कार्यालयातील‎ विविध शाखा आणि जिल्ह्यातील‎ सर्व पोलिस ठाण्यातील दस्ताऐवज‎ सुरक्षित व सुस्थितीत ठेवण्यासाठी‎ कामाला लागले आहे.‎