शेतकऱ्यांचा इशारा‎:ट्रान्सफाॅर्मर बसवून मेंटेनन्सची‎ कामे करा, अन्यथा आंदोलन‎

केज‎ तालुक्यातील धनेगाव येथील ३३ के.‎ व्ही. विद्युत उपकेंद्रात ५ एमव्हिए‎ क्षमतेचा नव्याने ट्रान्सफॉर्मर बसवून‎ उपकेंद्रामधील मेंटेनन्सची सर्व कामे‎ लवकरात लवकर पूर्ण करावीत‎ अन्यथा विद्युत उपकेंद्र बंद आंदोलन‎ करू असा इशारा शेतकऱ्यांनी‎ तहसीलदारांना निवेदनाद्वारे दिला.‎

धनेगाव उपकेंद्रातून धनेगाव,‎ पाथरासह इतर अनेक गावे व‎ अंबाजोगाई, केज, धारूर या‎ पाणीपुरवठा योजनांसह येडेश्वरी‎ साखर कारखान्यास वीजपुरवठा‎ केला जात आहे. उपकेंद्रात शिटी,‎ ब्रेकर, रिलेची कामे केलेली‎ नसल्याने शेतकऱ्यांना पुरेशी वीज‎ उपलब्ध होत नाही. यामुळे पिकाचे‎ नुकसान होत आहे. यामुळे राहुल‎ खोडसे, विजयकुमार गुजर, मन्मथ‎ गुजर, लिंबराज गुजर, विकास‎ सोमवंशी, नितीन गुजर, उत्तम‎ सोमवंशी, वामन खोडसे, पप्पू‎ खोडसे आदींनी आंदोलनाचा इशारा‎ दिला आहे