कार्यक्रम:नाचगाण्यापेक्षा समाजोपयोगी‎ कार्यक्रम आयोजित करावेत‎

आता आपले पदाधिकारी व कार्यकर्ते‎ नाचगाण्यांचे कार्यक्रम आयोजित करतात‎ काही तर डिजिटल फ्लेक्स लावतात हे‎ करण्यापेक्षा विद्यार्थ्यांसाठी उपयुक्त‎ असलेले शैक्षणिक, समाजोपयोगी‎ उपक्रमाचे जास्तीत जास्त अायाेजन करा‎ असे सांगत भाजपचे आमदार सुरेश धस‎ यांनी येथे कार्यकर्त्यांचे चांगलेच कान‎ टोचले.‎ शहरातील जिल्हा परिषद कन्या प्रशालेत‎ शुक्रवारी नगरसेवक महादेव जाधव यांच्या‎ वतीने शालेय विद्यार्थ्यांसाठी शैक्षणिक‎ साहित्याचे वाटप करण्यात आले. या‎ कार्यक्रमात आमदार सुरेश धस यांनी‎ आपल्या खास शैलीत कार्यकर्त्यांना‎ फटकारले. यंदा जिल्ह्यात स्कॉलरशिप‎ परीक्षेत ५०० विद्यार्थी उत्तीर्ण झाले असुन‎ त्यातील अडीचशे विद्यार्थी आष्टी- पाटोदा‎ - शिरूर तालुक्यातील असल्याने याचा‎ मला अभिमान आहे.‎

जिल्ह्यातील विद्यार्थ्यांचा हायेस्ट स्कोअर‎ १४७ आहे तर कोल्हापूर जिल्ह्यातील‎ विद्यार्थ्यांना २६२ हा स्कोर आहे. शिक्षकांनी‎ आता शैक्षणिक वातावरणाकडे व‎ गुणवत्तेकडे गांभिर्याने लक्ष देण्याची गरज‎ आहे. इतर कामांसाठी ज्याप्रमाणे आपण‎ वर्गणी गोळा करता त्या प्रमाणे जिल्हा‎ परिषद शाळेच्या उपयोगासाठी देखील अशा‎‎‎‎‎‎‎‎‎‎‎‎‎‎‎‎‎‎‎ प्रकारचे लोक सहभागातून काम करण्याची‎ गरज आहे.शाळा आपले मंदिरच असुन‎ जिल्हा परिषद शाळांमध्ये गरीबांची लेकर‎ शिक्षण घेतात त्यामुळे शिक्षकांनी देखील‎ गुणवत्तेकडे लक्ष देऊन आपल्या कर्तव्याची‎ जाणीव ठेवणे गरजेचे आहे कारण पुढच्या‎ पिढीचे नुकसान होऊ नये ही भावना सर्वत्र‎ असली पाहीजे असे आमदार धस यांनी‎ सांगीतले.‎ धस यांनीच विधायक कार्यात लक्ष‎ घालण्याच्या सूचना दिल्याने याची जिल्ह्यात‎ चर्चा सुरू झाली.‎

परीक्षांच्या पूर्वतयारीचे‎ उपक्रम ठेवावेत‎ सध्या काही ठिकाणी नेत्यांच्या‎ वाढदिवसाला नाचगाण्यासारखे कार्यक्रम‎ आयोजित केले जातात. काही ठिकाणी‎ डिजिटल फ्लेक्स फ्लेक्स वरही हजारो‎ लाखो रुपयांचा खर्च केला जातो. त्याऐवजी‎ विद्यार्थ्यांसाठी स्कॉलरशिप स्पर्धा परीक्षांची‎ पूर्वतयारी कशी करावी अशा प्रकारचे‎ उपक्रम राबवा असे आमदार धस यांनी‎ कार्यकर्त्यांना सांगितले. शहरी भागातील‎ शाळा या नगरपंचायत हद्दीत आल्यामुळे‎ त्यांना जिल्हा परिषदेकडून मिळणाऱ्या‎ योजनेबाबत आपण सभागृहात आवाज‎ उठवणार असल्याचेही आमदार धस यांनी‎ यावेळी सांगितले.‎