झोपा‎ काढो आंदोलन:प्रशासनाच्या धोरणाच्या निषेधार्थ झोपा काढो आंदोलन‎

विविध प्रकरणात जिल्हा प्रशासन‎ आणि नगर परिषद प्रशासन कारवाई न‎ करता वेळ काढूपणा करत असल्याने‎ प्रशासनाच्या निषेधार्थ सोमवारी‎ जिल्हाधिकारी कार्यालयासमोर झोपा‎ काढो आंदोलन करण्यात आले.‎

जिल्हा पुरवठा विभागातुन ५०००‎ रेशनकार्ड गायब, बालाघाटावरील‎ डोंगर भागातील अवैध गौणखनिज‎ उत्खनन, वनविभागातील गैरव्यवहार‎ बीड शहरातील रखडलेले अमृत‎ अटल योजना व भुयारी गटार योजना‎ तसेच बिंदुसरा व कर्परा नदीपात्रातील‎ अतिक्रमित बांधकाम, शहरातील‎‎‎‎‎‎‎‎‎‎‎ बेकायदेशीर होर्डिग्ज व बॅनर आदि‎ प्रकरणात वारंवार निवेदन तसेच‎ आंदोलनानंतर सुद्धा जाणीवपूर्वक‎ कारवाईस दुर्लक्ष केल्याबद्दल‎ सामाजिक कार्यकर्ते डाॅ.गणेश ढवळे‎ यांच्या नेतृत्वाखाली सोमवारी‎‎‎‎‎‎‎‎‎‎‎ जिल्हाधिकारी कार्यालयासमोर झोपा‎ काढो आंदोलन केले. यावेळी रामनाथ‎ खोड, शेख युनुस चऱ्हाटकर, शेख‎ मुबीन, शेख मुश्ताक, मिलिंद सरपते,‎ देवा गुंजाळ, प्रदिप औसरमल आदी‎ सहभागी होते.‎