यशस्वी स्पर्धकांचा सत्कार‎:आविष्कार स्पर्धेमध्ये‎ कपाळेला गोल्ड मेडल‎

डॉ. बाबासाहेब आंबेडकर मराठवाडा‎ विद्यापीठ, औरंगाबाद द्वारा आयोजित‎ अविष्कार २०२२-२३ मध्ये स्वातंत्र्यवीर‎ सावरकर महाविद्यालयाच्या तीन‎ संघांनी सहभाग नोंदवला. यामध्ये‎ फाईन आर्ट या विभागामध्ये‎ महाविद्यालयाचा प्रथम वर्षाचा‎ विद्यार्थी पवन कपाळे यास गोल्ड‎ मेडल मिळाले. महाविद्यालयाच्या‎ प्राचार्या डॉ. प्रीती पोहेकर यांच्या हस्ते‎ सर्व यशस्वी स्पर्धकांचा सत्कार‎ करण्यात आला.‎

कला शाखेचा प्रथम वर्षा पवन‎ कपाळे आणि वाणिज्य प्रथम वर्षाची‎ विद्यार्थिनी सलोनी शर्मा यांनी सहभाग‎ नोंदवला. यात बिंदुसरा नदीपात्रातून‎ विविध आकाराचे दगड गोटे जमा‎ करून त्यापासून इको फ्रेंडली गणेश‎ मूर्ती बनवण्यात आल्या होत्या.‎ महाविद्यालयात हा उपक्रम गेले १०‎ वर्षापासून राबवण्यात येत आहे.‎ यामध्ये कागदापासून, शाडूच्या‎ मातीपासूनही गणेश मूर्ती बनवण्यात‎ आल्या आहेत.

शहर पातळीवर याचे‎ प्रदर्शन आणि कार्यशाळा दरवर्षी‎ आयोजित केली जाते.‎ महाविद्यालयाचे विद्यार्थी शुभम‎ खाटीकमारे, स्वराज्य काशीद ,सचिन‎ बहिरे, तन्मय कुलकर्णी यांचेही उत्तम‎ सादरीकरण झाले. अविष्कार २०२३‎ साठी प्रा. विशाल नाईकनवरे यांनी‎ समन्वयक म्हणून काम पाहिले. तसेच‎ डॉ. जोगेंद्र गायकवाड यांनी संस्कृती‎ आणि पर्यावरण यांच्या समतोलासाठी‎ निसर्गाचा वापर या प्रथम पुरस्कार‎ आणि गोल्ड मेडल प्राप्त प्रोजेक्टचे‎ मार्गदर्शक म्हणून काम केले. प्रा. डॉ.‎ रूपाली कुलकर्णी यांनी अविष्कार‎ २०२३ च्या सहभागी विद्यार्थ्यांच्या‎ तयारीसाठी विशेष मेहनत घेतली.‎ तसेच अविष्कार सेल मधील सर्व‎ प्राध्यापकांनी आपल्या विद्यार्थ्यांना‎ प्रोत्साहन देऊन उत्तम तयारी करून‎ घेतली. प्रथम पुरस्कार आणि गोल्ड‎ मेडल मिळवणाऱ्या विद्यार्थ्यांचे आणि‎ मार्गदर्शकांचे संस्थेच्या व‎ महाविद्यालयीन प्रशासनाच्या वतीने‎ अभिनंदन करण्यात आले.‎