मराठी पत्रकार परिषद अंबाजोगाई:पिंगळेंना जीवनगौरव पुरस्कार‎

मराठी पत्रकार परिषद अंबाजोगाई शाखेच्या‎ वतीने ज्येष्ठ पत्रकार जगदीश पिंगळे यांना‎ जीवनगौरव पुरस्कार तर जगदीश शिंदे यांना स्व.‎ मुश्ताक हुसेन स्मृती पत्रकारिता पुरस्कार, नृसिंह‎ सूर्यवंशी यांना स्व. नंदकुमार पांचाळ स्मृती‎ पत्रकारीता पुरस्कार तर प्रा. बिबीशन चाटे यांना‎ स्व. दत्ता शिंदे स्मृती पत्रकारीता पुरस्कार देऊन‎ गाैरवण्यात आले.‎ अंबाजोगाई येथील स्व. विलासराव देशमुख‎ सभागृहात आयोजित करण्यात आलेल्या‎ कार्यक्रमास प्रमुख अतिथी म्हणून अखिल‎ भारतीय मराठी पत्रकार परिषदेचे मुख्य विश्वस्त‎ एस.एम. देशमुख हाेते.

अध्यक्षस्थानी ज्येष्ठ‎ सामाजिक कार्यकर्ते नंदकिशोर मुंदडा तर प्रमुख‎ वक्ते म्हणून व्याख्याते संकेत कुलकर्णी हे‎ उपस्थित हाेते. या वेळी अप्पर पोलिस अधीक्षक‎ कविता नेरकर, ज्येष्ठ पत्रकार अमर हबीब,‎ काँग्रेसचे जिल्हाध्यक्ष राजेसाहेब देशमुख,‎ व्यंकटेश्वर शुगर इंडस्ट्रीयल प्रा लि. आंबा‎ साखरचे मुख्य कार्यकारी अधिकारी राजेंद्र जंगम,‎ डिजिटल मीडिया राज्य प्रमुख अनिल वाघमारे,‎ भाजपचे प्रवक्ते राम कुलकर्णी, पोलिस‎ उपनिरीक्षक बाळासाहेब पवार, अधिष्ठाता डाॅ.‎ भास्कर खैरे आदी उपस्थित हाेते. कविता नेरकर‎ म्हणाल्या, समाजाचे तळागाळातील प्रश्न मांडणे‎ हे पत्रकारांचे काम असुन पत्रकार हा पूर्वग्रहदूषित‎ नसावा.

यावेळी जीवनगौरव पुरस्काराला उत्तर‎ देताना ज्येष्ठ पत्रकार जगदीश पिंगळे म्हणाले,‎ पत्रकार जे काही लिहितात त्यामागे अनेक वेदना‎ दडलेल्या असतात. यावेळी बाेलताना पत्रकार‎ परिषदेचे मुख्य विश्वस्त एस.एम. देशमुख‎ म्हणाले, या कार्यक्रमाचे नियोजन विचारमंथन‎ व्हावे म्हणून केलेले आहे. या व्यासपीठावर अनेक‎ प्रश्न मार्गी लागणार आहेत. नंदकिशोर मुंदडा‎ म्हणाले, पत्रकार समाजाचा आरसा आहे. बातमी‎ ही अभ्यासपूर्ण असली पाहिजे व ती बातमी‎ पत्रकारांनी स्वतः लिहिली पाहिजे, शिकलेल्या‎ पिढी जातिवादाला जिवंत करायला लागली‎ आहे. कार्यक्रमाच्या प्रारंभी दत्तात्रय अंबेकर यांनी‎ कार्य अहवाल सादर केला. गजानन मुडेगावकर‎ यांनी प्रास्ताविक केले. डाॅ. राजेश इंगाेले यांनीही‎ मनाेगत व्यक्त केले.‎