ताब्यात‎:लिंबुटा ग्रामपंचायत बिनविरोध कराडांच्या ताब्यात‎

ग्रामपंचायत निवडणुकीत ७ डिसेंबर रोजी‎ उमेदवारी अर्ज मागे घेण्याच्या शेवटच्या दिवशी‎ लिंबुटा ग्रामपंचायतसाठी दाखल झालेले इतर‎ अर्ज परत घेताच लिंबुटा ग्रामपंचायत बिनविरोध‎ निवडली गेली. भगवान सेनेचे सरसेनापती तथा‎ भाजपाचे ज्येष्ठ नेते फुलचंद कराड यांच्या‎ नेतृत्वाखाली सरपंच पदासह सर्व सदस्य‎ बिनविरोध निवडून आले आहेत.‎

परळी तालुक्यातील लिंबोटा बिनविरोध‎ निवडली गेली. भगवान सेनेचे सरसेनापती‎ फुलचंद कराड यांच्या नेतृत्वाखाली ही‎ ग्रामपंचायत आत्तापर्यंत पाच वेळा बिनविरोध‎ निवडली गेली असून त्यांच्यावरील विश्वास‎ ग्रामस्थांनी पुन्हा कायम ठेवत पूर्ण ग्रामपंचायत‎ बिनविरोध निवडून दिली आहे.

या निवडणुकीत‎ सरपंच पदाच्या उमेदवार दैवशाला सुधाकर‎ बनसोडे यांच्यासह रवी गंगाधर कराड, सुरेखा‎ सिद्धार्थ बनसोडे, अरुण वैजनाथराव मुंडे, छबीता‎ जयराम मुंडे, स्वाती ऋषिकेश मुंडे, प्रकाश किसन‎ राठोड व संगीता रमेश चव्हाण हे सर्व सात सदस्य‎ बिनविरोध निवडले गेले आहेत. फुलचंद कराड‎ म्हणाले की, मी केलेल्या व करीत असलेल्या‎ गावातील विकास कामावर गावकऱ्यांचा विश्वास‎ आहे. आपण सगळ्यांना समान न्याय देतो.‎ गावच्या पुनर्वसनापासून गावाच्या विकासाबाबत‎ मी खूप कामे केली आहेत. त्यामुळेच जनता‎ आपल्यासोबत असल्याचेही कराड यांनी‎ सांगितले. दरम्यान लिंबुटा ग्रामपंचायत बिनविरोध‎ निघाल्याचे समजताच सर्व विजयी उमेदवार व‎ त्यांचे समर्थक यांनी तहसील परिसरात फटाके‎ वाजवत व गुलाल उधळत आनंद व्यक्त केला.‎