विविध सामाजिक‎ उपक्रम:भाजप आमदार राम सातपुते मित्रमंडळ‎ पाटोद्याच्या वतीने अन्नदानाचा महायज्ञ‎

भारतीय जनता युवा मोर्चाचे‎ राष्ट्रीय उपाध्यक्ष आमदार राम‎ सातपुते यांच्या जन्मदिनाचे‎ औचित्य साधून गेल्या चार‎ वर्षांपासून राम सातपुते मित्रमंडळ‎ पाटोदा यांच्या वतीने अन्नदानाचा‎ महायज्ञ पार पडत आहे. रविवारी‎ (१२ मार्च) सेवाश्रम‎ (ता.शिरूर), इन्फंट इंडिया‎ आनंदग्राम (ता.बीड), आपले‎ आजोळ वृध्दाश्रम (बीड),‎ माणुसकीची भिंत पाटोदा‎ याठिकाणी अन्नदान करण्यात‎ आले. गेल्या चार वर्षांपासून‎ मित्रमंडळाच्या वतीने हे उपक्रम‎ राबवले जात आहेत.‎ पाटोदा येथील आमदार राम‎ सातपुते मित्रमंडळाच्या वतीने‎ मंगेश रंधवे हे गेल्या चार‎ वर्षांपासून विविध सामाजिक‎ उपक्रम राबवत आहेत.

अन्नदान,‎ शालेय साहित्य वाटप, आरोग्य‎ शिबिर, रक्तदान शिबिर, गरजूंना‎ औषधांचे वितरण असे विविध‎ उपक्रम मित्रमंडळाच्या वतीने‎ राबवण्यात आले. कोविडकाळात‎ गरजूंना आर्सेनिक अल्बमचे‎ वाटप, मास्क, सॅनिटायझरचे‎‎‎‎‎‎‎‎‎‎‎‎‎‎ वितरण करण्यासह रेमडेसिविर‎ उपलब्ध करुन देण्यासाठी‎ आमदार राम सातपुते‎ मित्रमंडळाच्या वतीने पुढाकार‎ घेण्यात आलेला होता. यंदाही‎ रविवारी शिरूर तालुक्यातील‎ ब्रह्मनाथ येळंब येथील तमासगीर‎ कलावंतांच्या तसेच ऊसतोड‎ कामगार पाल्यांचे एक दिवसाचे‎ पालकत्व स्विकारण्यात आले.‎ याबरोबरच इन्फंट इंडिया‎ आनंदवन येथील‎ चिमुकल्यांसाठीही अन्नदानाची‎ सेवा देण्यात आली. सामाजिक‎ कार्यकर्ते दत्ता बारगजे यांनी‎ आमदार राम सातपुते‎ मित्रमंडळाचा सामाजिक कार्याचा‎‎‎‎‎‎‎‎‎‎‎‎‎‎ उपक्रम हा अतिशय कौतुकास्पद‎ असल्याचे सांगितले.

तसेच‎ येथील चिमुकल्यांनीही आमदार‎ राम सातपुते यांच्याशी संवाद‎ साधला. आपले आजोळ‎ वृध्दाश्रम याठिकाणीही एक‎ दिवसाचे पालकत्त्व घेण्यात आले.‎ याबरोबरच पाटोदा येथील‎ बसस्थानक परिसरात माणुसकीची‎ भिंत हा उपक्रम कार्यरत आहे. या‎ माध्यमातून बसस्थानक व‎ परिसरातील गरजूंच्या भोजनाची‎ सोय केली जाते. याठिकाणी पाच‎ दिवसांचे पालकत्त्व आमदार राम‎ सातपुते मित्रमंडळाच्या वतीने‎ स्विकारण्यात आले. यावेळी मंगेश‎ रंधवे व इतर हजर होते.‎