कार्यवाही:माजलगाव : ओपन स्पेससह‎ अतिक्रमणांचा सर्व्हे सुरु‎

शहरातील ओपन स्पेस आणि‎ त्यावरील अतिक्रमण हटवण्याबाबत‎ आ. प्रकाश सोळंके यांनी ३१‎ डिसेंबरला उपोषणाची नोटीस दिली‎ होती त्या अनुषंगाने कार्यवाही‎ करण्याचे आश्वासन प्रशासनाने‎ दिल्यानंतर उपोषण मागे घेतले गेल.‎ यावर नगरपरिषदेने कार्यवाही सुरू‎ केली असून बुधवारी शहरातील‎ ओपन स्पेस आणि त्यावरील‎ अतिक्रमणे याबाबत सर्व्हेला सुरुवात‎ झाली.

एकाच दिवसात दहा‎ ठिकाणच्या ओपन स्पेस वरचा सर्व्हे‎ पूर्ण करण्यात आला.‎ माजलगाव शहरात जवळपास १३‎ एकर एवढे ओपन स्पेस आहेत.‎ पालिकेच्या विविध प्रयोजनांसाठी हे‎ ओपन स्पेस उपयोगी पडतात परंतु‎ काही जुन्या अधिकारी, कर्मचारी व‎ पदाधिकारी यांना हाताशी धरुन‎ पालिकेतील या बाबतचे अनेक रेकॉर्ड‎ गायब केली असल्याने शहरातील‎ ओपन स्पेस वर अनेकांचा डोळा होता‎ व आहे त्याविरुद्ध नगर परिषदने आता‎ नवीन सर्व्हे करून उपलब्ध रेकॉर्ड‎ नुसार पाहणी करण्याचे ठरवले असून‎ यात पुढील कार्यवाही वरिष्ठांच्या‎ मार्गदर्शनानुसार करण्यात येणार आहे.‎

पथकात इंजिनिअर आशिष तुसे‎ यांच्यासोबत अनंत वाघमारे, सय्यद‎ अरेफ, आकाश गालफाडे, विशाल‎ शिंदे, विलेश कांबळे, राजेभाऊ‎ मिसाळ, संकेत साळवे, सागर उजगरे,‎ संजय ससाणे, गणेश जवळ, शेख‎ आरेफ, शेख बाबर, विलास शिंदे‎ आदींचा समावेश आहे.‎