आत्महत्या:लग्नासाठी मानसिक छळ; युवतीने केली आत्महत्या

लग्नासाठी तगादा लावून मानसिक छळ केल्याने युवतीने आत्महत्या केल्याची घटना परळी शहरात पाच दिवसांपूर्वी घडली होती. याप्रकरणी तरुणाविरोधात संभाजीनगर पोलिस ठाण्यात गुन्हा नोंद करण्यात आला. बरकतनगरात सटवाईचा मळा परिसरात वैष्णवी बाबासाहेब सुरवसे या तरुणीने २५ नोव्हेंबर रोजी आत्महत्या केली होती. या प्रकरणी बुधवारी मृत मुलीची आई रत्नमाला बाबासाहेब सुरवसे यांनी संभाजीनगर पोलिस ठाण्यात तक्रार दिली. गंगासागर नगर भागातील तरुण प्रशांत दत्ता कसमळे हा वैष्णवीला सतत माझ्याशी लग्न कर म्हणून मागे लागला होता. तो वैष्णवीवर दबाव टाकत होता.