पतीवर सोलापूर, पत्नीवर अंबाजोगाई रुग्णालयात‎:हरभरा काढण्यावरून‎ दांपत्यावर खुनी हल्ला‎

आमच्या शेतातील हरभरा का काढत‎ आहेत, असे म्हणत चौघांनी एका‎ दाम्पत्यावर कोयत्याने प्राणघातक‎ हल्ला केला. या हल्ल्यात दोघांच्या‎ डोक्यात व हातापायावर कोयत्याने‎ सपासप वार केल्याने दोघे पती-पत्नी‎ गंभीर जखमी झाले. यात पतीची‎ प्रकृती चिंताजनक असून त्यांना‎ सोलापूरला हलवले आहे.‎ होळ (ता. केज) येथील शेतकरी‎ दत्ता रामराव घुगे (४२), त्यांची‎ रुक्मिण दत्ता घुगे (३५) हे दोघे ५‎ मार्च रोजी सकाळी १०.३० वाजेच्या‎ त्यांच्या शेतात हरभरा पीक काढीत‎ होते.

याचवेळी संभाजी सिताराम‎ घुगे, ऋषिकेश संभाजी घुगे, ज्ञानेश्वर‎ संभाजी घुगे, सोनेराव बाबुराव राख हे‎ चौघे संगनमत करून हातात कोयते‎ घेऊन त्यांच्याजवळ आले. त्यांनी‎ तुम्ही आमच्या शेतातील हरभरा पीक‎ का काढता असे म्हणत संभाजी घुगे‎ याने दत्ता घुगे यांच्या छातीत दगड‎ घातला. तर ऋषिकेश घुगे, ज्ञानेश्वर‎ घुगे, सोनेराव राख या तिघांनी दत्ता‎ घुगे यांच्या डोक्यात, हातावर,‎ पायावर, गुडघ्यावर कोयत्याने‎ सपासप वार करीत गंभीर जखमी‎ केले. त्यांची पत्नी रुक्मिण घुगे‎ यांच्यावरही कोयत्याने वार केले.‎ करीत गंभीर जखमी केले.‎