शाळेत स्वच्छता:ना दुरुस्ती, ना पाण्याची सोय; पाटोद्यात शिक्षक व विद्यार्थ्यांची कुचंबणा‎

प्रत्येक शाळेत स्वच्छतागृह असावे व‎ तेही सुरु असावे, यासाठी शासनाकडून‎ नेहमीच गाजावाजा करून त्यावर‎ दुरुस्ती व बांधकामासाठी मोठा खर्चही‎ केला जातो. मात्र प्रत्यक्षात पाटोदा‎ शहरासह तालुक्यातील बहुतांश जि.प.‎ शाळांमधील स्वच्छतागृहही दुरूस्ती‎ अथवा पाण्याअभावी कुलूपबंद‎ असल्याचा प्रकार समोर येत आहे.‎ शिक्षकांबरोबर विद्यार्थ्यांचीही गैरसोय व‎ कुचंबना होत आहे. या गंभीर प्रश्नाकडे‎ ना शिक्षण विभागाचे लक्ष आहे ना‎ लोकप्रतिनिधींचे. त्यामुळे ही गैरसोय‎ कशी थांबणार हा प्रश्र कायम आहे.‎ शाळा म्हणजे ज्ञानार्जनाचे मंदिर‎ समजले जाते. अशा या ज्ञानाच्या‎ मंदिरांतून जिथे विद्यार्थ्यांना स्वच्छतेचे‎ धडे दिले जातात.

अशाच बहुतांश‎ शाळांमध्ये सध्या केवळ दुरुस्ती व‎ प्रामुख्याने पाण्याच्या सोयीअभावी‎ स्वच्छतागृह बंद असल्याचे चित्र आहे.‎ पाटोदा तालुक्यात एकुण १८४ जि.‎ प.च्या शाळा असून या शाळांमध्ये साधारणतः १७ हजारांच्यावर विद्यार्थी ‎ज्ञानार्जन करतात. यातील बहुतांश‎ ठिकाणी विविध योजनांमधून अवाढव्य खर्च करून शाळांच्या इमारती‎ बांधण्यात आल्या. या इमारतींमध्ये‎ अर्थात स्वच्छतागृहही बांधण्यात आले‎ तर काही ठिकाणी शाळांच्या जुन्याच ‎ ‎ इमारती आहेत. आता नुकतीच नवीन ‎ ‎ शैक्षणिक वर्षाला सुरूवात झाली असून कोरोनाच्या संकटात बंद असलेल्या‎ शाळा पुन्हा नव्याने सुरु झाल्याने ‎विद्यार्थ्यांमध्ये मोठा उत्साह आहे. या‎ सर्व शाळांमधील बहुतांश शाळांमधील स्वच्छतागृह सध्या बंद अवस्थेत आहेत ‎त्यामुळे अशा शाळांमध्ये ज्ञानदानाचे‎ काम करणारे शिक्षक व ज्ञानार्जन‎ करणारे विद्यार्थी यांची मोठी कुचंबना‎ होत असल्याचे चित्र आहे. त्यामुळे ही ‎ ‎ कुचंबना दूर करण्यासाठी प्रशासनाने ‎ ‎ वेळीच याबाबत निर्णय घेण्याची आवश्यकता आहे.‎

पाटाेदा येथील जिल्हा परिषद शाळेचे‎ बंद अवस्थेतील स्वच्छतागृह‎
पाहणीनंतर कारवाई करू‎ स्वच्छतागृहांबाबत पाटोदा‎ शहरातील काही शाळांमध्ये जाऊन‎ प्रत्यक्ष पडताळणी केली असता‎ काही ठिकाणी दुरुस्ती अभावी तर‎ काही ठिकाणी पाणीच उपलब्ध‎ नसल्याने स्वच्छतागृह कुलुपबंद‎ असल्याचे आढळुन आले. या‎ संदर्भात शिक्षण विभागाशी संपर्क‎ साधला असता गटशिक्षणाधिकारी‎ पिकवणे यांनी आपण या ठिकाणी‎ नुकताच पदभार घेतला असून सर्व‎ माहिती घेऊन पुढील कार्यवाही करु‎ अशी प्रतिक्रिया दिली.‎

शासन धोरणाला यंत्रणेच्या दुर्लक्षामुळे हरताळ‎ शासनाच्या धोरणानुसार प्रत्येक शाळेत स्वच्छतागृह असणे व ते चालु अवस्थेत‎ असणे आवश्यक आहे. मात्र असे असतानाही पाटोदा शहरातील व ग्रामीण‎ भागातील बहुतांश शाळांमध्ये स्वच्छतागृह कुलूपबंद अवस्थेत दिसून येत आहे.‎ त्यामुळे शासनाच्या धोरणाला हरताळ फासला जात आहे.‎

पाहणीनंतर कारवाई करू‎ स्वच्छतागृहांबाबत पाटोदा‎ शहरातील काही शाळांमध्ये जाऊन‎ प्रत्यक्ष पडताळणी केली असता‎ काही ठिकाणी दुरुस्ती अभावी तर‎ काही ठिकाणी पाणीच उपलब्ध‎ नसल्याने स्वच्छतागृह कुलुपबंद‎ असल्याचे आढळुन आले. या‎ संदर्भात शिक्षण विभागाशी संपर्क‎ साधला असता गटशिक्षणाधिकारी‎ पिकवणे यांनी आपण या ठिकाणी‎ नुकताच पदभार घेतला असून सर्व‎ माहिती घेऊन पुढील कार्यवाही करु‎ अशी प्रतिक्रिया दिली.‎ शासन धोरणाला यंत्रणेच्या दुर्लक्षामुळे हरताळ‎ शासनाच्या धोरणानुसार प्रत्येक शाळेत स्वच्छतागृह असणे व ते चालु अवस्थेत‎ असणे आवश्यक आहे. मात्र असे असतानाही पाटोदा शहरातील व ग्रामीण‎ भागातील बहुतांश शाळांमध्ये स्वच्छतागृह कुलूपबंद अवस्थेत दिसून येत आहे.‎ त्यामुळे शासनाच्या धोरणाला हरताळ फासला जात आहे.‎