अपघात:पैठण रोडवर दुचाकी अपघातात एक ठार तर दुस-याचा खासगी रूग्णालयात उपचार सुरू

तालुक्यातील गढी येथील एका ३० वर्षीय हॉटेल व्यावसायिकाचा शहागड - पैठण रस्त्यावर दुचाकी अपघातात मृत्यू झाला आहे तर त्याचा सहकारी गंभीर जखमी झाल्याची घटना सोमवारी सायंकाळी सहा वाजण्याच्या सुमारास घडली असून जखमींवर औरंगाबाद येथील एका खासगी रूग्णालयात उपचार सुरू आहेत. सोमवारी गेवराई तालुक्यात बंद असल्या कारणाने हाॅटेल सह सर्व व्यावसाय बंद करण्यात आले होते. दरम्यान गढी येथील ज्ञानेश्वर बाबुराव गायकवाड (३० ) व त्यांचा चुलतभाऊ हे दुचाकीवरून पैठण येथ गेले होते.