दिव्य मराठी विशेष:जनतेच्या प्रेमाची उतराई शक्य नाही‎; खासदार डॉ. प्रीतम मुंडे यांचे मत

लोकनेते गोपीनाथराव मुंडे यांच्यावर बीड‎ जिल्ह्यातील जनतेने प्रचंड प्रेम केले. त्यांच्या‎ पश्चात हे प्रेम आमच्या वाट्याला आले‎ आहे. या प्रेमात तसूभरही कमतरता‎ जाणवली नाही. याउलट दिवसेंदिवस या प्रेम‎ आणि आशीर्वादामध्ये वाढ होते आहे.‎ जनतेच्या या प्रेमातून उतराई होण शक्य‎ नाही, परंतु विकास कामांच्या माध्यमातून‎ आणि तुमच्या सेवेतून या प्रेमाचा सन्मान‎ करत राहू, अशी ग्वाही खासदार डॉ.प्रीतम‎ मुंडे यांनी केले.‎ जल जीवन मिशन योजनेअंतर्गत‎ माजलगाव तालुक्याच्या गोविंद वाडी इथे‎ मंजूर झालेल्या तीन कोटी सत्तेचाळीस लक्ष‎ रुपयांच्या पाणी पुरवठा योजनेचे भूमिपूजन‎ खासदार डाॅ. मुंडे यांच्या हस्ते करण्यात‎ आले. यावेळी मंचावर डॉ. प्रकाश‎ आनंदगावकर, भाजप नेते रमेश आडसकर,‎ मोहनराव जगताप, बबन सोळंके, बाबरी‎ मुंडे, रमेश कराड, प्रदीप जाधवर यांच्यासह‎ मान्यवर उपस्थित होते.‎ यावेळी खासदार मुंडे यांनी ग्रामस्थांशी संवाद‎ साधला.

प्रधानमंत्री नरेंद्र मोदी यांच्या दूरदृष्टी‎ असलेल्या नेतृत्वामुळे आम्हाला तुमची‎ पाण्याची अडचण सोडवण्याची संधी‎ मिळाली आहे. त्यांच्या या योजनेमुळे ग्रामीण‎‎‎‎‎‎‎‎‎‎‎‎‎‎‎‎‎‎‎‎‎‎‎‎ भागात घरोघरी नळाद्वारे पाणी पोहोचणार‎ आहे.‎ जिल्ह्याची खासदार म्हणून या योजनेचे‎ पहिले भूमिपूजन गोविंद वाडीत करताना‎ मनस्वी आनंद होतो आहे, लोकनेते मुंडे‎‎‎‎‎‎‎‎‎‎‎‎‎‎‎‎‎‎‎‎‎‎‎‎ यांच्या प्रवासातील तुम्ही सोबती आहात.‎ तुमच्या गावचा पाण्याचा प्रश्न मला सोडवता‎ आला हे मी माझे भाग्य समजते असेही‎ त्यांनी सांगितले. यावेळी ग्रामस्थांची मोठ्या‎ संख्येने उपस्थिती होती.‎

आबालवृद्धांकडून ठिकठिकाणी स्वागत‎
गोविंदवाडी इथे जल जीवन मिशन योजनेअंतर्गत पाणीपुरवठा योजनेच्या शुभारंभासाठी‎ जाताना खासदार डॉ.प्रीतम मुंडे यांचे गावोगावी जल्लोषात स्वागत झाले. यावेळी महिला‎ भगिनींकडून औक्षण, आबाल वृद्धांकडून ठिकठिकाणी पुष्पवृष्टी करण्यात अाली. गोविंद‎ वाडी इथे तर घरोघरी महिला भगिनी औक्षण करत होत्या, ढोलताशांच्या गजरात जेसीबी तून‎ पुष्पवृष्टी करत ग्रामस्थांनी खासदार मुंडे यांचे स्वागत केले.‎