प्रकाशन‎:कवी साळेगावकरांचे विडंबन हे प्रगल्भ ‎;ज्येष्ठ कवी अशोक नायगावकर यांचे प्रतिपादन

हल्ली चेष्ठायुग सुरू झालय, सारं‎ अवघड आहे तथापी विडंबन हे‎ वास्तवदर्शी आहे. प्रसन्न प्रहार हा‎ साळेगावकरांच्या‎ कणवा,कारूण्याचे दर्शक आहे.‎ प्रभाकर हे अस्सल कवी आहे‎ म्हणुनच ते प्रगल्भ विडंबन करू‎ शकतात, त्यामुळे साळेगावकर हे‎ //"जागल्या’ ची भूमिका करतात, हे‎ खरं आहे. मला त्यांच्या विडंबनात‎ कविता सापडते असे प्रतिपादन‎ ज्येष्ठ कवी अशाेक नायगावकर‎ यांनी केले.‎ माजलगावात ज्येष्ठ कवी प्रभाकर‎ साळेगावकर यांच्या प्रसन्न प्रहार या‎ विडंबन संग्रहाचे प्रकाशन ज्येष्ठ‎ नायगावकर यांच्या हस्ते करण्यात‎ आले.‎

शहरातील वैष्णवी मंगल‎ कार्यालयात आयोजित‎ कार्यक्रमाच्या अध्यक्षस्थानी माजी‎ आमदार डी. के. देशमुख तर प्रमुख‎ पाहुणे म्हणून श्रावण गिरी,‎ भास्करराव कुलकर्णी, अशोक‎ लवुळकर, राजेसाहेब कदम,‎ प्रभाकर साळेगावकर, माधुरी‎ साळेगावकर आदी उपस्थित होते.‎ सरस्वती पूजनानंतर धनंजय जाडे,‎ कुणाल लवुळकर यांनी मराठवाडा‎‎‎‎‎‎‎‎‎‎‎‎‎‎‎ गीत सादर केले.

यावेळी कवी‎ साळेगावकर यांनी अनेक‎ विडंबनाचे भन्नाट सादरीकरण‎ केले. यावेळी हास्य कवी अशोक‎ नायगावकर यांनी हास्य कवितांची‎ बॅटींग करत उपस्थितांना मनमुराद‎ हसवले. यावेळी माजी आमदार डी.‎ के. देशमुख म्हणाले,‎ साळेगावकर यांच्या सामाजिक‎ भानाचे सदैव कौतुक वाटते.‎ नवविकास मंडळाला त्यांचा सार्थ‎ अभिमान आहे कारण त्यांची‎ जडणघडण माझ्या संस्थेत झाली‎ आहे. यावेळी कार्यक्रमास मोहनराव‎ सोळंके, अॅँड. एस. आर. शर्मा,‎ उपविभागीय अधिकारी राजेश‎ जोशी, सुरेश कुमार लोंढे, अॅड.‎‎‎‎‎‎‎‎‎‎‎‎‎‎‎ सुलभा देशमुख, अच्युतराव लाटे,‎ अरुण राऊत, दत्ता महाजन, विलास‎ कुलकर्णी, गौरी देशमुख, पि. आय.‎ शीतलकुमार बल्लाळ, संतोष मुळी,‎ अंजी राम भोसले, रंगनाथ सावंत,‎ मुकूंद सोळंके, रत्नाकर चौकीदार,‎ प्रशांत भानप, अरुण पवार, मोहीब‎ कादरी, श्रीकांत कुलकर्णी, सुरेश‎ बजाज, संजय चिटणीस, विजय‎ देशपांडे, अॅड. भिलेगावकर, र. ब.‎ देशमुख, भिकचंदजी दुगड,‎ अमरनाथ खुर्पे, पुष्कर कदम आदी‎ उपस्थित होते. यावेळी दिगंबर‎ महाजन, डाॅ. स्वानंद कुलकर्णी,‎ संजय कोकड, प्रवीण काळे, सचिन‎ ब्रम्हगावकर, जगदिश साखरे,‎ हिमांशु देशमुख यांनी परिश्रम घेतले.‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ सुत्र संचलन कवी राजेसाहेब कदम,‎ प्रास्तविक प्रा. स्नेहल पाठक तर‎ गझलकार दिवाकर जोशी यांनी‎ आभार मानले. महाराष्ट्रगीताने‎ सांगता झाली.‎

माझा नको, गर्दीचा‎ फोटो पेपरात छापा
‎ यावेळी कार्यक्रमात बोलतांना ज्येष्ठ‎ कवी अशोक नायगावकर हे उठले‎ असता फोटो ग्राफरकडे पाहुन‎ नायगावकर यांनी माझा नको या‎ गर्दीचा फोटो पेपरात छापा असे‎ सांगताच टाळ्यांचा कडकडाट‎ झाला. यावेळी सुरेश देशपांडे यांनी‎ काढलेली रांगोळी लक्षवेधी ठरली.‎