आंदोलन‎:कोश्यारी, पाटील यांच्या‎ विरोधामध्ये आंदोलन‎

राज्यपाल भगतसिंह कोश्यारी व मंत्री‎ चंद्रकांत पाटील यांनी महापुरुषांबद्दल‎ वादग्रस्त वक्तव्य केल्यामुळे त्यांची‎ पदावरून हकालपट्टी करण्यात यावी.‎ यासाठी सोमवारी दिंद्रुड पोलिस ठाणे‎ येथे दोघांच्या विरोधात सर्वपक्षीय‎ निवेदन देण्यात आले.‎ महाराष्ट्र राज्याचे राज्यपाल‎ भगतसिंह कोश्यारी यांनी छत्रपती‎ शिवाजी महाराजांबद्दल वादग्रस्त‎ वक्तव्य केलेली घटना ताजी‎ असताना, राज्याचे कॅबिनेट मंत्री‎ चंद्रकांत पाटील यांनी राष्ट्रपिता महात्मा‎ जाेतिबा फुले, भारतरत्न डॉ.‎ बाबासाहेब आंबेडकर व कर्मवीर‎ भाऊराव पाटील यांच्याबाबत वादग्रस्त‎ वक्तव्य केले. राज्यभर याचे पडसाद‎ उमटत आहेत.

दिंद्रुड येथे डेमोक्रॅटिक‎ पार्टी ऑफ इंडिया, रिपब्लिकन पार्टी‎ ऑफ इंडिया, सत्यशोधक ओबीसी‎ परिषद व शिव-फुले-शाहू-आंबेडक र‎ प्रेमी यांच्या वतीने भगतसिंह कोश्यारी‎ यांना हटवण्याची मागणी मुख्यमंत्री‎ यांनी राष्ट्रपतींकडे करावी व महाराष्ट्र‎ सरकारमधील मंत्री चंद्रकांत पाटील‎ यांना मंत्रिमंडळातून तात्काळ काढावे.‎ अशी मागणी करुन पोलिसांमार्फत‎ मुख्यमंत्र्यांना निवेदन पाठवण्यात‎ आले.‎ यावेळी डीपीआयचे माजलगाव‎ तालुकाध्यक्ष नवनाथ कांबळे, रिपाइंचे‎ माजलगाव तालुका उपाध्यक्ष बाबा‎ देशमाने, सत्यशोधक ओबीसी‎ परिषदेचे धारूर तालुकाध्यक्ष‎ बाळासाहेब सोनटक्के, रामेश्वर‎ उबाळे, अतुल चव्हाण, सुनील‎ वावळकर, रिपाइंचे वामन पाईक आदी‎ उपस्थित होते.